1448 (n. st.), 4 mars.

(Deperditum)

Audit argentier et receveur general, en l'ostel duquel Charlot Cordier, maistre des garnisons de vins d'icellui seigneur, par le commandement et ordonnance dudit seigneur, print ou moys de juing IIII^CXLVI la quantité de vingt tonneaulx de vin pour iceulx mener a Paris, avecques autre quantité de vin que icellui faisoit mener audit lieu de Paris par ledit Charlot Cordier pour le fait de la despense d'icellui seigneur, pour ce que ledit seigneur avoir lors entencion d'aler audit lieu de Paris, lesquelx vint tonneaulx furent prisez chacun tonneaul IX l. t., font IX^XX l. t., comme il appert par certification dudit Charlot Cordier, et avecques ce ait bailhé et delivré icellui argentier et receveur general, pour le fait de ladite despense d'icellui seigneur a Molins, six tonneaulx de vin, lesquelx ont esté despencez ou chastel de Molins, es moys de juilhet et septembre audit an IIII^CXLVI, et prisez a la somme de XLVI l. t., comme il appert par deux certiffications de Jehan de Gamaches, secretaire et contrerolleur de toutes les finances et despenses d'icellui seigneur, montant lesdites deux parties a la somme de II^CXXVI l. t., dont icellui seigneur vouloit icellui argentier et receveur general estre paié et contenté comme raison est, pourquoy icellui seigneur, par ses lettres donnees et verifiees le IIII^C jour de mars IIII^CXLVII, mande icelle somme de II^CXXVI l. t. estre prinse par ledit argentier et receveur general par ses mains des deniers de sa recepte, et icelle estre allouee en ses comptes et rabatue de sa recepte, en rapportant lesdites lettres et certifications.