1447, 4 septembre.

(Deperditum)

Audit argentier et receveur general, lequel est chargé de par mondit seigneur de aler a Paris ou moys de juillet M CCCC XLVII, en la compaignie de Pierre, monseigneur de Bourbon, filz de mondit seigneur le duc, que icellui seigneur envoye a Paris demourer avec monseigneur le duc d'Orleans, et avec ce eust icellui argentier et receveur general charge de par mondit seigneur de Bourbon de paier la despense que feroit Pierre, mondit seigneur de Bourbon, et ceulx de sa compaignie, pour le fait dudit voyage, laquelle despense a esté payee par icellui argentier et receveur general et monte a la somme de II^CV l. IIII s. VII d. t., comme contenu est en ung cayer de papier certiffié en fin de messire Phelippe de Maulvoisin, chevalier, maistre d'ostel de mondit seigneur le duc, lequel avoit charge de par mondit seigneur de aller oudit voyage pour accompagner Pierre mondit seigneur, et aussi pour le fait de la despense d'icellui voyage, de laquelle somme, voulant icellui seigneur ledit argentier et receveur general estre ramboursé et restitué comme raison est, mande icellui seigneur, par ses lettres donnees et verifiees le IIII^e jour de septembre l'an mil IIII^C XLVII, icelle estre prinse par ledit argentier et receveur general et par ses mains des deniers de sa recepte, et icelle estre allouee en ses comptes et rabatue de sa recepte, en rapportant seulement lesdites lettres avecques icellui cayer.