1447, 7 mai.

(Deperditum)

Audit argentier et receveur general, pour certain voyage par lui fait par le commandement et ordonnance d'icellui seigneur, partant de la ville de Molins, lui deuxiesme de personnes et deux chevaulx, le XXIIII^e jour de mars IIII^CXLVI, et en sa compaignie Pierre d'Auvergne, archer d'icellui seigneur et a lui baillé par ledit seigneur pour aller et venir plu seurement, pour aller a Villefranche en Beaujeuloix, et illec recevoir de Jehan Guichart, la somme de II^MV^C reaulx d'or sur ce qu'il devoit a cause de III^M reaulx donnez a icellui seigneur par ledit païs de Beaujeulois ou mois de decembre IIII^MXLVI, tant en la partie du reaulme qu'en la partie de la Bresse, et dudit Villefranche aller en la ville de Lyon pour illex faire paiement a Aymé Salle, dit Bastier, changeur audit Lion, de la somme de III^MIIII^XXX escus d'or vielz que deuhz lui estoient pour prest par lui fait pour le fait du vacquant de l'arcevesché de Lyon, et recourer de lui ung joyau d'or appartenant a icellui seigneur, appellé le Mont de Calvaire, qui bailhé avoit esté audit Salla en gaige et seurté de ladite somme, et icellui joyau avoir apporté par devers icellui seigneur, a Molins, ouquel voyage icellui argentier et receveur general, accompaigné comme dessus, et ledit Pierre d'Auvergne en sa compaignie, ont vacqué tant alant, sejournant audit Villefranche et Lyon pour faire ce que dessus est dit, comme retournant en icelle ville de Molins, par l'espace de XIIII jours entiers, commençans ledit XXIIII^e jour de mars et finissant le VI^e jour d'avril ensuivant, pour chacun desquelz jours icellui seigneur, par ces lettres donnees et veriffiees le VII^e jour de mai IIII^CXLVII, a tauxé et ordonné audit argentier et receveur general XX s. t., et audit Pierre d'Auvergne X s. t., pour leur aidier a supporter les fraiz et despens, peynes et travaulx dudit voyage, montent iceulx XIIII jours, pour icellui argentier et receveur general XIII l. t., et pour ledit Pierre d'Auvergne VII l. t., font XXI l.