1445, 29 août.

Nous Charles, duc de Bourbonnois et d'Auvergne, confessons avoir eu et receu de Pierre Mandonier, commis par monseigneur le roy a recevoir et faire venir ens ou bas paÿs d'Auvergne la porcion de l'aide de III^C M frans que mondit seigneur a voulu et ordonné avoir esté mis sus en tous ses paÿs de langue d'oil pour ceste presente annee commençant le premier jour de janvier derenier passé, tant pour le paiement et entretenement de ses gens de guerre qu'il a envoïez vivre hors de son royaume, comme pour autres ses affaires, la somme de quatre cens livres tournois a nous ordonnee estre baillee par le dit commis des deniers de sadicte recepte, mis sus par les gens des trois estas dudit bas paÿs oultre le principal dudit aide pour les fraiz d'icellui, pour nous aider a desfraïer des fraiz et despens que faire nous a convenu pour estre venu et avoir comparu aux deux journees tenues en nostre ville de Riom pour appoincter et conclurre le fait et octroy d'icellui aide, comme par les instructions sur ce faictes puet plus a plain apparoir, de laquelle somme de quatre cens livres tournois dessusdictes nous nous tenons pour contens et bien paiez, et en quittons ledit Mandonier et tous autres qu'il appartient. Donné soubs nostre seel en tesmoing de ce, le XXIX^e jour d'aoust, l'an mil CCCC quarante cinq.

Par monseigneur le duc,