1445, 14 juillet.

Nous Charles, duc de Bourbonnoys et d'Auvergne, comte de Forestz, seigneur de Beaujeu et de Chastel Chinon, per et chambrier de France, confessons avoir eu et receu de Martin Roux, receveur ou hault paÿs d'Auvergne de la porcion de l'aide de III^C M f. t. mis sus par monseigneur le roy en ses paÿs de langue d'oil ou mois de janvier derrenier passé, et aussi des deniers mis sus oultre et par dessus le principal dudit aide par les gens des troys estaz dudit paÿs pour les affaires communs^a d'icellui, la somme de troys cens livres tournois a nous ordonnee par les instrucions faictes et accordees pour le fait et impost dudit aide et lesdiz affaires communs, pour partie de la somme de VII^C f. t. a nous donnee et octroyee par les gens des troÿs estaz des hault et bas paÿs d'Auvergne a l'assemblee par eulx faicte a Ryon ou mois d'avril derrenier passé, pour les causes contenues et declairees esdictes instructions, de laquelle somme de III^C f. t. nous nous tenons pour contens et bien paiez, et en avons quitté et quittons ledit Martin Roux et tous autres. En tesmoing de ce, nous avons fait mectre nostre seel a ces presentes, le XIIII^e jour de juillet l'an mil CCCC quarante et cinq.

Par monseigneur le duc,