1444, 26 juillet.

Nous Charles, duc de Bourbonnois et d'Auvergne, conte de Clermont et de Forez, seigneur de Beaujeu, per et chamberier de France, certiffions a tous qu'il appartiendra que comme deux ans a ou environ^a, eussions baillé a nostre tres chier et honnouré cousin le duc d'Orleans ung blant signé de nostre main et seellé de nostre seel de secret en facon de seellé pour nous obliger en certaine somme de deniers, pour paier partie de la finance et rançon de nostredit cousin aux Angloiz, ausquelx il a nagueres esté prisonnier, et soit ainsi que icelluy seellé n'ait pour riens esté employé et n'a produit aucun effect, et aujourd'uy date de ces presentes nous a esté rendu par Agier Arnoul, secretaire de nostredit cousin, comme nul et de nulle valeur, et d'icelluy nous tenons pour contans. En tesmoing de ce, nous avons fait mectre et apposer a ces presentes nostre seel de secret, le XXVI^eme jour de juillet, l'an mil IIII^C quarante et quatre.

Par monseigneur le duc,