1441, 16 décembre. — Moulins.
Charles, duc de Bourbonnais et d'Auvergne, etc., mande au gouverneur général de ses finances, Louis de Segrie, de faire payer par Jean Sirot, trésorier général, la somme de deux cents écus d'or à Pierre dit Paillart, seigneur d'Urfé, son chevalier et chambellan, prix d'un cheval qu'il lui a acheté par l'intermédiaire d'Etienne de La Farge, écuyer d'écurie, pour mettre au charriot d'Agnès de Bourgogne.
A. Original sur parchemin, signé, jadis scellé et attaché au mandement exécutoire de Louis de Segrie1. La signature, comme celle de Louis de Segrie dans son mandement, est cancellée. 315 x 125 mm. Paris, Archives nationales, P 1358/1, n°517/1.
Analyse : Titres de Bourbon, II, p. 279, n°5674.
Charles, duc de Bourbonnois et d'Auvergne, conte de Clermont et de Fourez, seigneur de Beaujeu et de Chastel Chinon, per et chamberier de France, a nostre amé et feal escuïer, conseiller et gouverneur general de toutes noz finances, Loys de Segrie, salut. Nous voulons et vous mandons que par nostre amé et feal tresorier general Jehan Sirot vous faicte payer, bailler et delivrer de sa recepte a nostre amé et feal chevalier et chambellan messire Pierre, dit Paillart, seigneur d'Ulphé, la somme de deux cens escuz d'or courans, en laquelle luy sommes tennuz pour ung cheval de pore baya qu'avons fait prendre et acheter de luy par nostre amé et feal escuïez d'escuerie, Estienne de la Farge, dit Fargete, qu'il a prisé valoir ladicte somme, et icelluy cheval avons fait mectre ou chariot de nostre tres chiere et tres amee compaigne la duchesse, et par rapportant ces presentes, la certifficacion de nostredit escuïer d'escuerie et quittance sur ce souffisant dudit seigneur d'Ulphé, ladicte somme de IIC escuz d'or courans sera alouee es comptes et rabatue de la recepte de nostredit tresorier general par noz amez et feaulx gens de noz comptes, ausquelx nous mandons que ainsi le facent, sanz aucun contredit, nonobstant quelxconques ordonnances, mandemens ou deffenses a ce contraires. Donné en nostre ville de Molins, le XVIeme jour de decembre, l'an de grace mil IIIIC quarante et ung.
Par monseigneur le duc,
(Signé :) Gon.
1. AN, P 1358/1, n°517/2 : Loys de Segrie, escuïer, conseillier et gouverneur general de toutes les finances de mon tres redoubté seigneur, monseigneur le duc de Bourbonnois et d'Auvergne. Jehan Sirot, tresorier general de mondit seigneur le duc, en acomplissant le contenu es lettres de mondit seigneur esquelles ces noz presentes sont atachees soubz nostre signet, payez, baillez et delivrez des deniers de vostre recepte a messire Pierre dit Paillart, seigneur d'Ulphé, la somme de deux cens escus d'or courans pour les causes, tout ainsi et par la forme que mondit seigneur le veult et mande par sesdictes lettres. Donné soubz nostredit signet et seing manuel, le (blant) jour se fevrier, l'an mil quatre cens quarante et ung. Segrie.
bay : bai (couleur brune de la robe d'un cheval).
Édition : Jean-Damien Généro .
Consulter la bibliographie — Afficher le XML source de l'acte — Afficher la version pdf de l'acte.