1410 (n. st.), 12 janvier. — Paris.
Louis, duc de Bourbonnais etc., accorde une souffrance d'hommage à Philippe, seigneur de Lignières, qui a la garde de ses cousins Édouard et Guichard de Beaujeu, pour les terres tenues de lui en fief dans la baronnie et seigneurie de Beaujolais.
A. Original sur parchemin, signé, jadis scellé sur simple queue aujourd'hui déchirée. 330 x 175 mm. Paris, Archives nationales, P 1366/1, n°1474.
Analyse : Titres de Bourbon, II, n°4817, p. 178.
Loÿs, duc de Bourbonnois, conte de Forez et seigneur de Beaujeu, per et chamberier de France, a noz bailli, juge, gens des comptes et tresorier de Beaujeuloys, salut. Savoir vous faisons que a la supplicacion de nostre amé messire Phelippe, seigneur de Linieres, ou nom et comme tuteur et ayant la garde de Edouart et Guichart de Beaujeu et cousins d'icelui messire Phelippe, nous, audit messire Phelippe, es noms que dessus et lesdiz Edouart et Guichart, avons mis et mectons de grace especial par ces presentes en souffrance de nous faire les foy et hommaige que faire nous doivent lesdiz enfans, ou ledit tuteur pour eulx, des terres tenues de nous en fief a cause de nostre baronnie et seignourie de BeaujuLoÿs jusques a ung an a compter de la dacte de ces presentes. Si vous mandons et a chascun de vous si comme a lui appartendra que de nostre presente grace et souffrance vous faites, souffrez et laissiez ledit sire de Liniere oudit nom et lesdiz enfans joïr et user plainement et sans aucun empeschement. Et se desja, pour cause dudit homaige a nous non fait, aucuns de leurs biens estoient ou sont pour ce prins ou empeschiez, que tantost et sans delay ou autre mandement atendre les metez ou faites mectre a plaine delivrance. Donné a Paris, soubz nostre seel, le XIIe jour de janvier, l'an mil quatre cens et neuf.
Par monseigneur le duc.
(Signé :) J. Cordier.
Édition : Olivier Mattéoni .
Consulter la bibliographie — Afficher le XML source de l'acte — Afficher la version pdf de l'acte.