1402, 10 août. — Moulins.
Louis, duc de Bourbonnais etc., nomme son valet de chambre, Jehanin Burnost, châtelain de Montbrison, à la place de Jean des Rues, qui s'est démis de l'office, et mande à ses gens des comptes et à son bailli de Forez que, une fois le serment reçu, ils l'instituent dans la charge.
A. Original perdu.
B. Copie dans un registre papier de la Chambre des comptes de Montbrison, exécutée par P. Tanart1, clerc des comptes de Forez, le 27 septembre 1402, date à laquelle a été reçu le serment dudit Jehanin Burnost2. Archives départementales Loire, B 2005, fol. 16v.
Indiqué : Joseph de Fréminville, Inventaire-sommaire des Archives départementales antérieures à 1790, Loire. Série B (n°1907 à 2308), III, Saint-Étienne, 1905, p. 73.
Loÿs, duc de Bourbonnois, conte de Forez, baron et seigneur de Beaujeu, per et chamberier de France, a touz ceulx qui ces presentes lettres verront, salut. Savoir faisons que, pour le bon et convenable rapport que fait nous a esté du sens, loyaulté et bonne diligence de nostre amé varlet de chambre Jehanin Burnost3 par nous en lui esprouvés en moult de manieres, et pour consideracion des bons et agreables services qu'il nous a fait ou temps passé, fait continuelment chascun jour et esperons que encore face ou temps avenir, ycellui avons fait, ordenné et establi et par ces presentes faisons, ordonnons et establissons chastellain de nostre chastellenie et mandement de Montbrison aux gaiges, droiz, proffiz et emolumens acoustumés et appartenans oudit office, ou lieu de Jehan des Rues, nagaires chastellain de ladicte chastellenie, lequel des Rues s'est desmis dudit office, auquel Jehan Burnost nous avons donné et par ces presentes donnons plain povoir, auctorité et mandement especial de tenir, faire et excercer ledit office et tout ce qui y appartient et que a bon et loyal chastellain puet et doit appartenir de droit et de coustume tant qu'il nous plaira. Si donnons en mandament par ces presentes a noz amés et feaulx gens de noz comptes et bailli de Forez que, receu dudit Jehanin Burnost le serement acoustumé fere en tel cas, ilz le mectent et instituent ou facent mectre et instituer en possession et saisine dudit office, et d'icellui avecques les gaiges, drois, prouffis et emolumens, libertés et franchises dessus diz, le facent, laissent et sueffrent joïr et user plainnement et paisiblement et obeïr de touz noz subgiez aux choses touchans et appartenans oudit office. En tesmoing de ce, nous avons fait mectre nostre seel a ces presentes. Donné en nostre chastel a Molins, le Xe jour d'aoust, l'an de grace mil quatre cens et deux.
Par monseigneur le duc, present monseigneur de Beauvoir, bailli de Bourbonnois4.
(Signé :) De Bar.
1. Bien qu'il n'y ait pas de mention explicite et de signature attestant que la copie a été effectuée par P. Tanart, la relation de la cérémonie de réception du serment, signée P. Tanardi, et qui suit directement la copie de l'acte, montre que c'est la même main qui a transcrit l'acte ducal et ladite relation.
2. "Anno Domini millesimo quatuorcentesimo, die veneris XXIIa mensis septembris, presentavit litteras super transcriptas Johannes Burnost in camera computorum Forensis, presentibus dominis baillivo et thezaurario Forensis, Guillaudono et Petro Chauvet et Guillelmo Rajace, et prestitit juramentum assuetum, et fuit institutus castellanus per dictum dominum baillivum secundum tenorem litterarum predictarum. P. Tanardi".
3. En 1393, Jehanin Burnost (ou Brunost) est valet de chambre du fils aîné de Louis II, Jean, futur comte de Clermont et duc de Bourbon (Archives départementales Loire, B 1917, fol. 17).
4. Blain Loup, seigneur de Beauvoir. Il est bailli et maréchal de Bourbonnais, cité de 1396 à 1408 (O. Troubat, La guerre de Cent Ans, II, p. 725 ; A. Leguai, "Baillis et sénéchaux", p. 71).
Édition : Olivier Mattéoni .
Consulter la bibliographie — Afficher le XML source de l'acte — Afficher la version pdf de l'acte.