1399, 3 avril. — Paris.
Louis, duc de Bourbonnais etc., nomme son amé et féal Humbert de Salamar, chevalier, châtelain et capitaine de la châtellenie de Néronde, en remplacement de Guichard Le Brun, qui vient de mourir.
A. Original perdu.
B. Copie dans un registre papier de la Chambre des comptes de Montbrison, suivie de la mention du serment, laquelle n'est pas datée1. Archives départementales Loire, B 1837, fol. 84.
Loÿs, duc de Bourbonnois, conte de Clermont et de Forez, per et chamberier de France, a touz ceulx qui ces lettres verront, salut. Savoir faisons que nous, confians a plain du sens, loyauté et bonne diligence de nostre amé et feal messire Ymbert de Salamard2, chevalier, icellui avons fait, ordenné, et retenu et establi, faisons, ordennons, retenons et establissons par la teneur de ces presentes en capitainne et chastellain de noz chastel et chastellenie de Neyronde3, pour et en lieu de Guichart le Brun nagaire comme l'ein dit alé de vie a trespassement, auzdiz offices et chascun d'iceulx tenir, avoir et excercer par ledit messire Ymbert aux gaiges, droiz, proffiz et emolumens acoustumés et qui y appartiennent et que par raison desdiz offices avoit et prenoit ledit Guichart tant comme il nous plarra. Si donnons en mandement a nostre bailli de Forez ou a son lieutenant que, receu dudit messire Ymbert le serement en tel cas acoustumé, il le mecte et institue ou face mectre et instituir de par nous en possession et saisine desdiz offices, et d'iceulx avec leurs droiz, proffiz et emolumens dessus diz le fasse, seuffre et laisse joïr et user paisiblement et a lui obeïr et entendre de touz a qui il appartiendra en toutes choses touchant lesdiz offices. Mandons aussi a cellui ou a ceulx qui lesdiz gaiges a ou ont acoustumé payer que yceulx il paient doresenavant audit messire Ymbert ou a son certain mandement, et par raportant ces presentes ou vidimus d'icellui soubz seel autentique pour une foix et quictance sur ce tout ce que payé lui en aura esté, nous voulons estre alloué ez comptes et rebatu de la recepte ou receptes de cellui ou ceulx qui payé les aura ou auront par noz amés et feaulx gens de noz comptes sans contredit aucun, non obstant ordenances ou deffenses a ce contraire. En tesmoign de ce, nous avons fait metre notre seel secret a ces presentes. Donné a Paris, le IIIe jour d'avril, l'an de grace mil IIIC IIIIXX et dix neuf amprés Pasques.
Par monseigneur le duc, present monseigneur de Norry4.
(Signé :) P. Desmer.
1. "Juravit modo solito in manibus domini baillivi. Presentibus domino thesaurario et Guillelmo Rajace".
2. Frère cadet de Guillaume, Humbert de Salamar a servi en Flandre en 1383 et à Ventadour en 1389. Il a participé en 1390 à la croisade de Mahdya. Il est lié à Guillard de Sainte-Colombe qui est nommé capitaine-châtelain de Feurs en 1394 (É. Perroy, Les familles, nobles, II, p. 801, qui fournit de précieux renseignements sur les alliances matrimoniales de la famille).
3. Néronde : Loire, ar. Roanne, ch.-l. c.
4. Originaire du Nivernais, Pierre de Nourry est l'un des principaux conseillers de Louis II. Il est attesté comme conseiller du début de 1360 à 1410. Il occupe la charge de lieutenant général à plusieurs reprises à partir des années 1370 jusqu'à la fin du principat du duc en 1410 (A. Leguai, De la seigneurie à l'État. Le Bourbonnais pendant la guerre de Cent Ans, p. 283-291 ; O. Mattéoni, "Entre fidélité et compétence. Les conseillers du duc Louis II de Bourbon", p. 180 et 183 et suiv.). Il fait l'objet d'un jugement élogieux dans la Chronique du bon duc Louis de Bourbon par Cabaret d'Orville qui vante ses qualités de gestionnaire et de réformateur des finances ducales (Chronique du bon duc, p. 160-164, 275-280). Il était membre de la Cour amoureuse fondée en 1401 par Louis II et le duc de Bourgogne Philippe le Hardi (C. Bozzolo et H. Loyau, La cour amoureuse dite de Charles VI, I, n°201, p. 139).
Édition : Olivier Mattéoni .
Consulter la bibliographie — Afficher le XML source de l'acte — Afficher la version pdf de l'acte.