1394, 16 mai. — Montbrison.
Louis, duc de Bourbonnais etc., nomme son amé et féal écuyer, Artaud de Boisvair châtelain et capitaine des châteaux et châtellenies de Sury-le-Bois et Bellegarde, en remplacement d'Étienne Bricadel, qui en a été déchargé, et mande à ses gens des comptes de Montbrison de le mettre en possession dudit office dont l'exercice commencera à la Saint-Jean Baptiste prochaine.
A. Original perdu.
B. Copie, de deux écritures différentes, la deuxième main commençant à "Estienne Bricadel", ligne 6 de la copie, dans un registre papier de la Chambre des comptes de Montbrison, suivie, fol. 80, de la mention du serment qu'Artaud de Boisvair et Guillard de Sainte-Colombe prêtèrent au lieutenant général du duc, Pierre de Nourry, le jour de leur nomination1. Archives départementales Loire, B 1837, fol. 79v.
Loÿs, duc de Bourbonnois, conte de Clermont et de Foureiz, per et chamberier de France, a touz ceulx qui ces presentes lettres verront, salut. Savoir faisons que nous, confians a plain des sens, loyaulté et bonne diligence de nostre amé et feal escuyer Artaut de Bonvayr, ycellui aveosa fait, establi et ordené et par ces presentes faisons, ordenons et establissons chastellain et capitein de noz chasteaulx et chastellenies de Sury le Boix2 et de Bellegarde3 que tenoit nagaires Estienne Bricadel, lequel nous en avons deschargié et descharghons par certaines causes qui a ce nous ont meu, a tenir et excercer lesdiz offices par ledit Arthaut tant comme il nous plaira, aux gaiges, drois, profis et emolumens accoustumez, auquel Arthaut nous avons donné et donnons plain povoir, auctorité et mandement especial de faire et excercer toutes choses qui a bon et loyal chastellain et capitein puet et doit fere et que auxdiz officiers appartiennent, desquelx offices ledit Arthaut a au jour de huy fait le serment en nostre chambre des comptes a Montbrison. Si donnons en mandement par ces mesmes lettres a noz amez et feaulx genz de noz comptes a Montbrison que il le mectent et facent mectre en possession et saisine desdiz offices, et d'iceulx et desdiz gaiges, prouffis et emolumens d'eulx accoustumés il le souffrent, laissent et facent joïr, user et poier en la maniere accoustumee par cellui ou ceulx a qui il appartiendra tant comme il excercera lesdiz offices, en deboutant tant autre detenteur desdiz offices, et par rapportant ces presentes ou vidimus d'icelles soubz autentique seel par premiere fois seulement et quictance dudit Arthaut, nous voulons tout ce qui ainsi lui sera poié pour ceste cause estre alloué es comptes de lui ou ceulx de noz receveurs et prevoz a qui il appartiendra par nozdictes genz des comptes qui a present sont et seront par le temps avenir, sanz aucun contredit ou deffaut. Mandons et commandons a touz noz subgiz, prions et requerons touz autres que a ycellui Arthaut en faisant et excercent deuhement lesdiz offices obeïssent et entendent diligement et lui donnent conseil, confort et aide se mestier en a et par lui en sont requis. Et commencera a excercer lesdiz offices a la Saint Jehan Baptiste prouchain venant. Donné soubz nostre seel, le XVIe jour de may, l'an mil CCC IIIIXX et quatorze.
Par le conseil estant a Montbrison, ouquel monseigneur de Norry, lieutenant general monseigneur4, plusieurs estoient.
1. "L'an mil CCC IIIIXX et XIIII, et le XVIe jour de may dessus dit, lesdiz Guillart et Arthaut jurerent et promistrent par leurs sermens et sur l'obligacion de tous leurs biens es mains dudit monseigneur le lieutenant, presens Jehan Bertine, Jehan Gadet, Estienne d'Entraigues, tresorier de Foroiz, Hugues Mee, Guillaume Rajace et plusieurs autres, lesdiz offices bien et loyaument excercer et les chasteaux contenuz esdictes lettres bien et loyaument garder, et yceulx non bailler a personne quelconques fors que a monseigneur ou a son certain mandement, desquelx offices il ont au jour de huy XVIe jour de juing esté mis en possession. Presens honnorables et discretes personnes Estienne d'Entraigues, tresorier de Foroiz, Jehan des Rues, capitaine de Montbrison, messire Mathé Guionet, chantre dudit lieu, Hugues Mee et plusieurs autres".
2. Sury-le-Bois : Loire, ar. Montbrison, c. Feurs, com. Valeille.
3. Bellegarde : Loire, ar. Montbrison, c. Saint-Galmier.
4. Originaire du Nivernais, Pierre de Nourry est l'un des principaux conseillers de Louis II. Il est attesté comme conseiller du début de 1360 à 1410. Il occupe la charge de lieutenant général à plusieurs reprises à partir des années 1370 jusqu'à la fin du principat du duc en 1410 (A. Leguai, De la seigneurie à l'État. Le Bourbonnais pendant la guerre de Cent Ans, p. 283-291 ; O. Mattéoni, "Entre fidélité et compétence. Les conseillers du duc Louis II de Bourbon", p. 180 et 183 et suiv.). Il fait l'objet d'un jugement élogieux dans la Chronique du bon duc Louis de Bourbon par Cabaret d'Orville qui vante ses qualités de gestionnaire et de réformateur des finances ducales (Chronique du bon duc, p. 160-164, 275-280). Il était membre de la Cour amoureuse fondée en 1401 par Louis II et le duc de Bourgogne Philippe le Hardi (C. Bozzolo et H. Loyau, La cour amoureuse dite de Charles VI, I, n°201, p. 139).
sic pour avons.
Édition : Olivier Mattéoni .
Consulter la bibliographie — Afficher le XML source de l'acte — Afficher la version pdf de l'acte.