1392 (n. st.), 4 avril. — Amiens.
Louis, duc de Bourbonnais etc., nomme Guichard Dessous La Tour, qu'il a fait chevalier lors de la croisade de Barbarie, capitaine et châtelain de Saint-Maurice, à la place de son père, Gautier Dessous La Tour.
A. Original perdu.
B. Copie effectuée le 15 avril 1392, jour de réception du serment de Guichard Dessous La Tour, dont il est fait mention à la suite de ladite copie1, dans un des registres papier de la Chambre des comptes de Montbrison. Archives départementales Loire, B 1837, fol. 73.
Loÿs, duc de Bourbonnois, conte de Clermont et de Foreis, per et chamberier de France, a touz ceulx qui ces presentes lettres verront, salut. Savoir faisons que nous, pour consideracion des bons et agreables services faiz a feu monseigneur nostre pere que Dieux absoille et a nous par feu messire Gautier Dessouz la Tour2, chevalier, nagaires trespassé, par le cours de sa vie, de ceuls que nostre amé chevalier messire Guichart, son filz, nous a faiz et esperons que nous face, pour ce que ou voiage que fait avons darrierement en Barbarie devant Auffin que nous feismes ledit messire Guichart chevalier de nostre main, confianz a plain de ses senz, loyauté, prodommie et diligence, ycellui avons ordené et establi, ordenons et establissons par ces presentes capitaine et chastellain de nostre chastel de Saint Morise3 en nostre conté de Foreis pour et ou lieu dudit feu messire Gautier, son pere, a avoir, tenir et possider lesdiz officiers de capitaine et chastellain, aux drois, gaiges, profiz et emolumens accoustumez et a yceulx appartenans tant comme il nous plaira. Si donnons en mandement a nostre bailli de Forez ou a son lieutenant que receu dudit Guichart le serment accoustumé de fere en tel cas, il le mecte en possession et saisine desdiz offices, les gaiges accoustumez lui face poier par ceulx qu'il appartiendra. Et des drois, proffiz et emolumens auxdiz officiers appartenans le face et sueffre joïr et user paisiblement et a lui obeïr comme a nostre capitaine et chastellain dudit lieu. Donné a Amiens, soubz nostre seel, en tesmoing de ce, le IIIIe jour d'avril, l'an de grace mil CCC IIIIXX et onze.
Par monseigneur le duc, monseigneur de Norry4 present.
(Signé :) J. Benoit.
1. "Par vertu desquelles lettres monseigneur le bailli a receu ledit messire Guichart esdiz offices, liquelx a promis et juré par son serment, et sur l'obligacion de touz ses biens, bien et loyaument excercer lesdiz offices et non rendre les clés et chastel si n'est a monseigneur ou a son certain comandement, en renonçant a tout droit etc. Donné le XV jour d'avril, l'an mil CCC IIIIXX XII aprés Pasques. Presens Jehan des Rues, capitaine de Montbrison, Estienne d'Entraigues, tresorier de Forois, Jehan Blanc, huissier de la chambre, et Hugues de Jailli, sergent monseigneur".
2. Gautier Dessous La Tour a été capitaine-châtelain de Montluçon, au duché de Bourbonnais, avant le 4 juillet 1369 (Montluçon, Archives municipales, AA 7).
3. Saint-Maurice-en-Roannais : Loire, ar. et c. Roanne.
4. Originaire du Nivernais, Pierre de Nourry est l'un des principaux conseillers de Louis II. Il est attesté comme conseiller du début de 1360 à 1410. Il occupe la charge de lieutenant général à plusieurs reprises à partir des années 1370 jusqu'à la fin du principat du duc en 1410 (A. Leguai, De la seigneurie à l'État. Le Bourbonnais pendant la guerre de Cent Ans, p. 283-291 ; O. Mattéoni, "Entre fidélité et compétence. Les conseillers du duc Louis II de Bourbon", p. 180 et 183 et suiv.). Il fait l'objet d'un jugement élogieux dans la Chronique du bon duc Louis de Bourbon par Cabaret d'Orville qui vante ses qualités de gestionnaire et de réformateur des finances ducales (Chronique du bon duc, p. 160-164, 275-280). Il était membre de la Cour amoureuse fondée en 1401 par Louis II et le duc de Bourgogne Philippe le Hardi (C. Bozzolo et H. Loyau, La cour amoureuse dite de Charles VI, I, n°201, p. 139).
Édition : Olivier Mattéoni .
Consulter la bibliographie — Afficher le XML source de l'acte — Afficher la version pdf de l'acte.