1386, 6 décembre.

[fol. 1] Loÿs, duc de Bourbonnois, conte de Clermont et de Fourez, per et chamberier de France, savoir faisons a tous presens et a venir que a le honneur et loange de la benoite et glorieuse Trinité, le pere, le fil et le saint Esperit, et de la tres benoite glorieuse Vierge Marie en laquelle pour le sauvement de toute humaine creature le tres benoist glorieux Jhesu Crist volt prandre incarnacion, et aussi de toute la benoite court de Paradis, et par especial a l'honneur et devocion que nous avons tousjours eu et encores avons au glorieux sacrement et mistere de l'Annonciacion Nostre Dame par laquelle l'ange Gabriel apporta le benoist salut a ladicte glorieuse Vierge Marie qui est chief et fondement de nostre sauvement, nous en ycelle foy et devocion avons supplié humblement et devoltement a nostre saint Pere le pape Clement VII^e par la forme et maniere contenue en ses bulles, desquelles la teneur s'ensuit¹ :

"Clemens episcopus servus servorum Dei, venerabili fratri episcopo Nivernensi salutem et apostolicam benedictionem. Pia devotorum Christi fidelium desideria illa presertim que divini cultus augmentum et animarum salutem respiciunt libenter apostolico favore prosequimur eisque benignum impertimur assensum. Exhibita siquidem nobis nuper pro parte dilectii filii nobilis viri Ludovici ducis Borbonesii peticio continebat quod olim ipse attendens quod in villa de Molinis Eduensis diocesis que ad ducem Borbonesii pro tempore existentem pleno jure pertinet, et que magne antiquitatis bene firmata et notabilior ducatus Borbonesii existit et in qua dicti ducis est habitacio principalis ac ordinaciones tocius status et concilii suorum fieri consueverunt nulla erat ecclesia, sed dumtaxat una capella consistebat que per unum capellanum deserviebatur prout eciam deservitur et que nullos habebat sicut habet de presenti perpetuos redditus sed solum oblaciones que inibi offerebantur ac jura parrochialia fiebant et exercebantur sicut fiunt et exercentur de presenti in quadam ecclesia parrochiali extra dictam villam nimis longe situata propter quod temporibus guerrarum multa scandala dampna inconveniencia et pericula incolis dicte ville secuta erant hactenus et sequi poterant verisimiliter in futurum et quod que in de Seron et due alie que in de Beçay villis Eduensis et Claromontensis diocesis in patrimonio dicti ducis consistentibus capelle canonice fundate constructe et dotate fuerant propter guerras destructe et ad ruinam deducte existebant quodque dudum quinque perpetue vicarie in eadem capella de Molinis per nonnullos habitatores et incolas ejusdem ville qui fuerant pro tempore quarum fructus redditus et proventus ad septuaginta libras Turonensium parvorum ascendunt annuatim fuerant canonice institute, et quod bone memorie Petrus de Bellapertica, episcopus Autisiodorensis, dum viveret octo perpetuas vicarias in capella de Villanova, Nivernensis diocesis, satis propre dictam villam de Molinis consistente canonice instituerat ac earum [fol. 1v] singulas de viginti libris Turonensium parvorum annui et perpetui redditus in certis locis tunc expressis persolvendis dotaverat, et quod loca ipsa dudum ad regem Francorum qui tunc erat es certis causis pervenerant ac redditus hujusmodi per officiarios regis Francorum pro tempore existentis de et super fructibus et proventibus prepositure regie ville Sancti Petri le Moustier, dicte Nivernensis diocesis, solvi debebant, et quod in villa et capella hujusmodi in qua dicte octo vicarie erant institute per inimicos regni Francie erant combuste et destructe sic quod villa ipsa inhabitalis erat effecta et tam propter destructionem hujusmodi quam propter defectum solucionis reddituum predictorum jamdiu cessaverat servicium divinum in eadem capella fieri consuetum tractavit cum carissimo in Christo filio nostro Carolo, rege Francorum illustri, quod idem rex ad exonerandam dictam preposituram solveret et realiter traderet una vice pro omnibus loco dictorum reddituum duo milia francorum auri ad emendum alios perpetuos redditus, et quod in loco ubi dicta capella consistebat una alia capella de novo fieret in qua duo capellani perpetuo celebrarent et eorum quilibet viginti libras monet hujusmodi annui et perpetui redditus perciperet et haberet ac residuum reddituum hujusmodi de dictis duobus milibus francis acquirendorum in dotacionem collegii per eumdem ducem in dicta capella de Molinis fundandi converteretur cum autem sicut eadem peticio subjuniebat dictus Ludovicus dux, cupiens hujusmodi scandalis dampnis inconvenienciis et periculis obviare desideret plurimum et affectet ut, ad laudem et honorem Dei et beate Virginis, ejus matris, et specialiter festivitatis Annunciatiationis ejusdem dicta capella de Molinis que de patronus prioris prioratus de Sovigny, Cluniacensis ordinis et Claromontensis diocesis predicte, qui est pro tempore existit, in collegiatam ecclesiam erigatur et in ea unius decani et duodecim canonicorum collegium et quatuor clericorum qui inibi teneantur Domino perpetuo deservire instituantur, et pro augmentacione dotis collegii et clericorum predictorum de suo proprio patrimonio centum libras annui et perpetui redditus in dicto ducatu consistentes ut commodius et utilius fieri poterit dare et realiter assignare proponat pro parte dicti Ludovicis ducis nobis extitit humiliter supplicatum ut dictam capellam de Molinis in collegiatam ecclasiam erigere et in ea collegium et clericos predictos instituere ac eisdem ecclesie et capitulo capellas et illas per habitatores et incolas in eadem capella de Molinis ut prefertur institutas cum ad id heredum habitatorum et incolarum hujusmodi accedat assensus et alias vicarias predictas imperpetuum incorporare annectere et unire necnon hujusmodi residuum dictorum reddituum de prefatis duobus milibus francis ut permittitur acquirendorum ac oblaciones predictas [fol. 2] dare et concedere statuereque et ordinare quod decanus ipse septuaginta et quilibet canonicorum eorumdem triginta pro suis prebendis ac fabrica dicte ecclesie alias triginta libras annui et perpetui redditus percipiant ac dicta ecclesia cimiterium habeat, in quo ipsi et clerici prefati et alie notabiles persone qui in ecclesia vel cimiterio hujusmodi suas sepulturas elegerent tradi valeant ecclesistice sepulture, et quod prefatus Ludovicus dux sit et nominari debeat ipsius collegii principalis fundator et patronus, ac decanus et canonici et clerici supradicti sint in salvagardia, superioritate et resorto dicti ducis tanquam fundatoris eorumdem et quod jus patronatus ecclesie et collegii predictorum extra manus dicti ducis exire non possit, quodque decanatus ipsius ecclesie dignitas existat et nullus illum obtinere possit nisi sit in sacerdocio constitutus ac de dictis XII canonicis sex in hujusmodi secerdocii et tres in diaconatus ac tres alii in subdiaconatus ordinibus debeant esse constituti ipsique et dictus decanus teneantur in dicta ecclesia redidenciam facere personalem, et quod hac vice primaria nominacio ad dictum ducem et institucio ejusdem decani ad nos pertineant, et quociens decanatum ipsum vacare contigerit ad illum aliqua persona ydonea per electionem canonicorum predictorum assumatur ac confirmacio electionis hujusmodi ad eundem priorem et de dictis duodecim prebendis XI ad prefati Ludovici et successorum suorum ducum Borbonesii qui erunt pro tempore solum et insolidum et alterius ipsarum duodecim prebendarum ad ejusdem prioris in recompensacionem dicti juris patronatus collaciones perpetuo pertineant et quod illi ex ipsi qui vicarias hujusmodi obtinent, et quos ad hoc idem dux duxerit eligendos ac ille qui dictam capellam de Molinis obtinet de presenti canonici dicte ecclesie esse debeant et prebendas habeant et percipiant in eadem et nichilominus ecclesiam decanum canonicos et clericos predictos et eorum servitores sub nostra et beati Petri protectione suscipere de benignitate apostolica dignaremur. Nos igitur de premissis certam noticiam non habentes hujusmodi supplicacionibus inclinati fraternitati tue de qua in iis et aliis specialem in Domino fiduciam obtinemus per apostolica scripta committimus et mandamus quatinus de valore redditum hujusmodi et aliis premissis auctoritate apostolica diligencius te informes et si per informacionem hujusmodi reppereris prefatos redditus pro dote hujusmodi redditus de prefatis duobus milibus francis acquisiverit vel emerit et in dicto loco de Villanova in quo dicta capella consistebat unam aliam capellam construere et edificare fecerit et centum libras predictas in augmentacionem dotis hujusmodi assignaverit ut prefertur vel si forsan dicti redditus pro dote hujusmodi non sufficiant dummodo idem dux alios pro premissis sufficientes perpetuos redditus premitus tradat realiter et assignet dictam capellam prefate ville de Molinis in collegiatam ecclesiam si ad id dicti prioris accedat assenus auctoritate predicta erigas et in ea unius decani et XII canonicorum qui capitulum faciant et prebendas obtineant in eadem collegium et quatuor clercicos perpetuos beneficiatos hujudmodi [fol. 2v] eadem auctoritate instituas ac demum eisdem ecclesie decano et collegio capellas et illas que per habitatores et incolas predictos sunt institute si ad id dictorum heredum accedat assensus ut prefertur ac alias vicarias predictas cum omnibus juribus et pertinenciis suis auctoritate prefata imperpetuum incorpores unias et annectas ita quod illis cedentibus vel decedentibus qui capellas et vicarias predictas obtinent liceat eisdem decano et capitulo per se vel eorum procuratorem capellarum et vicarium juriumque et pertinenciarum predictorum corporalem possessionem auctoritate propria apprehendere et eciam retinere fructusque redditus et proventus capellarum et vicariarum hujusmodi in usus suos et dicte ecclesie convertere diocesani loci et cujuscunque alterius licencia minime requisita necnon eisdem ecclesie decano et collegio residuum hujusmodi dictorum reddituum de prefatis duobus milibus francis acquirendorum ut prefertur ac oblaciones predictas imperpetuum eciam dones et concedas realiter et assignes et nichilominus auctoritate predicta statuas et ordines quod de redditibus hujusmodi de prefatis duobus milibus francis acquirendis ut prefertur in dicto loco de Villanova in quo dicta capella consistebat una alia capella in qua duo capellani quorumquilibet viginti libras parisienses percipiat annuatim pro salute anime dicti Petri perpetuo celebrent construatur et decanus ipse septuaginta et quilibet canonicorum eorundem triginta pro suis prebendis ejusdem ecclesie ac fabrica dicte ecclesie alias triginta libras monet predicte percipiant annuatim ac ipsi clericique et persone predicte post eorum obitum in eisdem ecclesia ac cimiterio postquam cimiterium ipsum ordinatum canonice fuerit ecclesiastice sepulture hujusmodi tradi libere et licite valeant jure parrochialis ecclesie et cujuslibet alterius in omnibus semper salvo, et quod prafatus dux sit et nominari debeat ecclesie et collegi predictorum principalis fundator et patronatus ac decanus, collegium et clerici supradicti sint in salvagardia et resorto dicti ducis tanquam fundatoris eorumdem et quod jus patronatus ecclesie et collegii predictorum extra manus ipsius ducis exire non possit quodque decanatus ipse dignitas existat et nullus illum obtinere valeat nisi sit in hujusmodi sacerdocio constitutus ac sex in presbiteratus, et tres in diaconatus, ac alii tres ex canonicis predictis in subdiaconatus ordinibus debeant esse constituti ipsique et decanus, canonici et clerici predicti in dicta ecclesia residenciam facere personalem supradictam, et pro salute anime dicti Petri Altissimum perpetuo exorare teneantur, et quod hac vice primaria ad dictum ducem nominacio et ad nos institucio hujusmodi ejusdem decani [fol. 3] pertineant et demum ad decanatum predictum quociens ipsum vacare contigerit per electionem canonicam dicti collegii aliquis sufficiens et ydoneus assumatur ac confirmacio electionis hujusmodi ad eundem priorem et de dictis prebendis undecim ad Ludovici et successorum solum et insolidum et alterius ipsarum XII prebendarum ad prioris predictorum in recompensacionem dicti juris patronatus collaciones hujusmodi perpetuo pertineant, et si dictus prior recompensacione hujusmodi forsan contentus non fuerit facias sibi propterea aliam recompensacionem fieri condecentem de qua tibi videbitur expedire et insuper auctoritate predicta eciam statuas et ordines quod illi ex ipsis qui capellas et vicarias hujusmodi obtinent seu obtinebunt pro tempore postquam capellas et vicarias predictas dimiserint si eos ad hoc dictus dux duxerit eligendos ex tunc canonici ejusdem ecclesie existant et prebendas percipiant in eadem, preterea ecclesiam decanum, canonicos et clericos supradictos sub protectione suscipias antedicta non obstantibus constitucionibus apostolicis contrariis quibuscunque seu si aliqui super provisionibus sibi faciendis de hujusmodi capellis et vicariis vel aliis beneficiis ecclesiasticis in illis partibus speciales vel generales apostolice sedis vel legatorum ejus litteras impetrarent eciam si per eas ad inhibicionem reservacionem et decretum vel alias quomodolibet sit processum quas quidem litteras et processus habitos per easdem ad prefatas capellas et vicarias volumus non extendi sed nullum per hoc quo ad assecucionem capellarum et vicariarum ac beneficiorum aliorum prejudicium generari et quibuslibet privilegiis indulgenciis et litteris apostolicis generalibus vel specialibus quorumcunque tenorum existant per que presentibus non expressa vel totaliter non inserta effectus earum impediri valeat quomodolibet vel differri et de quibus quorumque totis tenoribus habenda sit in nostris litteris mencio specialis, proviso quod capelle et vicarie predicte debitis obsequiis non fraudentur. Nos enim exnunc irritum decernimus et inane si secus super hiis a quoquam quavis auctoritate scienter vel ignoranter contigerit attemptari. Datum Avinione, XIIII kalendas novembris, Pontificatus nostri Anno primo²".

Et pour ce que nostredit saint pere, de sa benigne grace, a volu encliner a nostre devocion et priere et benignement octroyé la fondacion du college contenue en icelles bulles, et d'icelles fere et ordonner a commis executeur reverent pere en Dieu l'evesque de Nevers, et luy a donné par sesdictes bulles pleniere puissance de creer et establir ledit college sur certaines qualités et condicions en icelles bulles contenues, lesquelx sont a nous d'acomplir comme principal [fol. 3v] fondeur d'icelluy, desirans de tout nostre povoir nostredit propox et creacion dudit college a la loange et gloire que dessus mener affin et de acomplir les poins et chouses ad ce necesseres avons ordonné et ordonnons de nostre fereme propox et entiere volenté les chouses qui s'ensuivent :

C'est assavoir que si comme est contenu esdictes bulles nous avons offert a ladicte creacion cent livres de rente de nostre propre et pur domaine, meu de plus grant devocion, a ycelle avons despuis offert vint livres de rente, sont six vins livres de rente lesquelles nous voulons estre assises a value de terre selon l'usance de nostre païs de Bourbonnois sur les choses cy aprés declarees. Premierement volons que en l'assiette desdictes six vins livres de rente soit pris nostre grant disme de Brueille assis en nostre chastellenie de Molins, lequel par quelconque valeur qu'il puisse valoir ou plus ou moins a present ou par le temps a venir nous mectons en assiette pour quarante sextiers seigle, le sextier valant avalué a neuf sols tournois, valent dix huit livres tournois, et pour vint sextiers avene, le sextier avalué a six sols tournois, valent six livres, ainsi pour de disme vint et quatre livres tournois. Item y baillons et assignons noz fours banniers de nostre ville de Molins et trestous tieulx droiz comme nous y avons acoustumé d'avoir compris nostre et tout pour cinquante livres. Item nostre disme que nous avons en la parroisse de Beçay³ et es appartenances, appelé le disme de Chesaulx et trestous tieulx droiz que nous y avons acoustumé d'avoir pour cent solx. Item un disme que nous avons en la parroisse de Colendon⁴ nagaires acquis par eschange fait avec nostre amé conseillier et secretaire Lorin de Pierpont⁵ en quelxconques telx droiz que nous y avons pour cent sols. Item les dismes et parcieres de Chastel de Neurre⁶, en tout tel drois de vinage^a comme nous y avons acoustumé de prendre en la ville et parroisse dudit lieu a cause dudit disme et parcieres, et avecques ce tout tel droit comme nous povons avoir en nostre clox de Besson pour quatre livres de rente. Item baillons en ladicte assiette sur la maison Perrin Prevost dit le Normant assise au bout de noz halles dudit lieu de Molins, a l'encontre de la chapelle Nostre Dame, entre les maisons Olivier le Mercier de deux pars, laquelle nous doit chascun an cinq florins de Florance qui valent a tournois quatre livres trois sols quatre deniers, dont nous baillons en ladicte assiette soixante sols, et retenons nous pour droit de seigneurie vint trois sols quatre deniers. Item sur la maison dudit Olivier le Mercier assise en nozdictes halles a l'ensuivent de la maison dessus dicte, laquelle nous doit chascun an cinquante sols dont nous baillons en ladicte assiette quarante sols, et retenons a nous par seignourie dix sols. Item sur la maison Perrot Cordier assise esdictes halles emprés la maison dudit Olivier, laquelle nous doit chascun an cinquante sols de cens, dont a ladicte assiete quarante sols de rente, et retenons a nous dix sols avecques avec tout droit de seignourie. Item sur la maison Guillaume Richart assise esdictes halles et touche a la maison dudit Perot d'une part, laquelle nous doit chascun an cinquante six sols de cens dont nous baillons [fol. 4] a ladicte assiete L s. de rente, et retenons a nous VI s. de cens pour tout droit comme dessus. Item sur la maison Henry Brisepot alias Sercy Mercier assise esdictes halles emprés la maison dudit Guillaume Richart, laquelle nus doit chascun an LVI s. dont nous baillons en ladicte assiete L s. de rente, par ainsi retenons a nous VI s. pour droit de seignourie comme dessus. Item sur la maison Jehan Cordier assise esdictes halles emprés la maison dudit Henry, laquelle nous doit LXX s. dont nous baillons en ladicte assiete LX s. de rente, et retenons a nous X s. de cens avecques tout droit de seignourie comme dessus. Item sur la maison de Michelet Sejourné assise au bout desdictes halles cousté la maison maistre Jehan Huguet, laquelle nous doit chascun an X l. V s. dont nous baillons en l'assiete dessus dicte X l., ainsi nous demourent les V s. avecques tout droit de seignorie. Item sur la maison de la femme et des enffans de feu Jehan Camus assise costé nostre chastel de Molins, entre la maison Pierre du Moustier, laquelle nous doit chascun an cent sols dont nous baillons en ladicte assiete IV l., et vins sols retenons a nous pour droit comme dessus. Item sur la maison dudit Pierre assise entre la maison desdiz femme et enffans et la maison Guillemin des Forges, laquelle nous doit chascun an LXIX soulz dont nous baillons en ladicte assiete LX s., et retenons a nous pour droit de seignorie IX s., somme de ladiste assiete VI^XX livres de rente, lesquelles avecques les chouses par nous ainsi baillees en ladiste assiete de VI^XX livres de rente dessus dictes nous voulons pour nous et^b pour les nostres qui perpetuelment de nous pourroient avoir cause que les doyen et chanoines dudit college puissent perpetuelment porter franchement et purement comme esmorties et par ces presentes les esmortissons sauf et reservé a nous et aux nostres les retenues par nous faictes de ce en quoy lesdictes maisons nous sont tenues en oultre les sommes dessus declarees et baillees en ladicte assiete que nous retenons a nous et aux nostres comme cens et tresfons de terre a nous paiant los et ventes et autres drois de seignorie et de censive avecques tout droit de justice, souveraineté et ressort. Item pour ce que es bulles de nostre dit saint pere est contenu que pour l'enterinement de la fundacion dudit college, de huit chapelles ou vicairies que feu de bonne memoire maistre Pierre de Belleperche, jadiz evesque d'Auceurre⁷, fonda a la Villeneuve⁸, en la chastellenie de Belleperche⁹, ou diocese de Nevers, chascune de vint livres tournois, valent huit vins livres tournois, les six seront prises et abnees en l'acroissement dudit college, et audit lieu de la Villeneuve auquel la chapelle fu ordonnee par ledit evesque en demoreront deux pour servir perpetuelment par maniere de memoire en ladicte chapelle, laquelle nostredit saint pere veult par sesdictes bulles estre reffaicte, et aussi promettons nous la fere, reffere et mettre en estat souffisant ; et desquelles les rentes et paimens sont de leur fondacion assise sur monseigneur le roy sur sa prevosté de Saint Pere le Moustier¹⁰ et dont monseigneur le roy a volu et accordé de paier deux mille frans pour convertir en rente a la descharge de huit vins livres de rente [fol. 4v] qui sont deues a cause desdictes vicairies comme dit est. Nous, considerans les durs payemens qui ou temps passé ont esté faiz ausdiz vicaires par les receveurs de mondit seigneur le roy et aussi actendans que dure chouse seroit ausdiz doyen et chanoines de poursuir mondit seigneur le roy du paiement desdiz deux mille frans et l'acquist de la rente qui en pourra estre acquise, doubtans que pour ceste cause la fondacion dudit college se peust retarder et que nostre volenté et propox ne fust si tost acomplis comme nous desirons de tres bon cueur, avons volu et ordonné, volons et ordonnons par ces presentes que sur la recepte et emolument de nostre chastellenie de Molins, par especial sur les proufis et esmolumens des peages, tant par aigne comme sur terre, et les proufis et esmolumens de noz halles de Molins et generaulment sur toutes noz autres receptes et emolumens de nostredite chastellenie que lesdictes six vins livres tournois soient prises pour convertir au paiement desdiz chanoines, et aussi que les quarante livres qui seront pour les deux vicairies qui serviront audit lieu de la Villeneuve soient paiez de nostre recepte de Belleperche premierement et avant toute oevre, et que noz recepveurs de Molins et de Belleperche qui a present sont jurent es mains dudit evesque executeur comme dit est que ilz paieront chascun an ladicte somme de huit vins livres es dessus diz chanoines et vicaires par avant ce qu'ilz facent paiement a nulz autres reservé a nous noz tailles d'aoust, et noz autres receveurs qui par le temps a venir seront en nozdictes chastellenies voulons qu'ilz facent semblables seremens en leurs nouvelles institucions es mains de la chambre de noz comptes ; et nous avons retenu et retenons a nous la poursuite de monseigneur le roy du paiement desdiz deux mille frans et de l'acquisicion de la terre qui pourra estre faicte d'iceulx deux mille frans par laquelle baillant et delivrant franchement esmortie audit college nous demourrons quictes envers lesdiz chanoines et vicaires des chouses baillees et assignees sur nosdiz receveurs de Molins et de Belleperche en lieu desdictes huit vins livres de rente. Item en l'assiette de la fondacion dudit college nous avons ja pieça ordonné si comme contenu est plus a plain es bulles de nostre saint pere le pape et encores par ces presentes ordonnons et voulons que la valeur de deux chapelles qui jadiz par noz predecesseurs furent fondees au lieu de Beçay et qui par noz receveurs de Vernueil¹¹ et de Beçay [fol. 5] ont acoustumé d'estre paiees, c'est assavoir l'une par nostre receveur de Vernueil de dix livres en deniers et de vint sextiers soigle a la mesure dudit lieu de Verneul, et l'autre par nostre receveur de Beçay de treze livres en deniers et de douze sextiers seigle. Item une autre vicairie en nostre prevosté de Bor le Conte¹² appellee la chapelle^c de Seron de cent sols en deniers, de vint quartes froment et de douze quartes soigle a la mesure de Chaverroche¹³ et de deux tonneaux de vin, avecques ce tous les profiz et emolumens qui d'encienneté sont deuz en la chapelle de nostre chastel de Molins, lesquelles ensemble pevent valoir soixante livres de rente en assiete de terre que nous avons ordonné estre mises et ordonnons par ces presentes que soient emploiees a la fondacion dudit college, car aussy semblablement a volu nostre dit saint pere le pape que elles y soient ennexees. Et donnons en mandement a nos receveurs de Molins, de Verneul, de Beçay et de Chaveroche que lesdictes sommes ilz paient doresenavant ausdiz chanoines sanz en faire paiement a autres personnes quelxconques et qu'ilz soient tenus de faire les seremens de non paier ailleurs par la maniere qu'il est contenu ou precedant chapitre, et volons que toutes les sommes dessus dictes ainsi baillees en ladicte fondacion soient par les gens de noz comptes qui a present sont et qui au temps a venir seront allouees es comptes desdiz receveurs ou de ceulx a qui il appartiendra parmi rapportant seulement lettre de cognoissance desdiz doyen et chapitre, et que les gens de noz comptes soient tenus de donner et fere donner ausdiz chanoines telle et si bonne excucion de les faire paier chascun an purement et franchement sans contredit ne empeschement aucun comme se c'estoit pour nostre propre fait et de ce les encharghons en leurs consciences et nous en descharghons^d de rechief si comme il est contenu es bulles de nostredit saint pere ; nostre entencion et voulenté est, et ainsi l'a volu nostredit saint père que audit college ait douze chanoines, qui auront chascun de premiere fondacion trente livres tournois de rente, et un doyen de soixante livres, et une prebende pour soustenir la fabrique et luminaire d'icelle eglise de trante livres d'abondant ; nous voulons que il y soit ordonné et establi quatre clers coriaulx et un segretain ou mareglier qui aient chascun douze livres de rente valent soixante livres ; par ainsi par pevent monter les rentes necessaires a la premiere fondacion dudit college cinq cens dix livres. Si a volu nostredit saint pere si comme est contenu esdictes bulles que les rentes, emolumens et proufis de la vicairie qui par avant estoit fondee en ladicte [fol. 5v] chapelle de Molins y soient ennexees et emploiees qui sont prises pour soixante livres, et semblablement deux vicairies ou chapelles qui furent de la fondacion feu messire Pierre Galebrun pour quarante livres tournois, et des rentes et revenues de deux confreries qui se font chascun an en nostre ville de Molins en l'onneur de Nostre Dame et de saint Nicholas y soient prises et emploiees pour trante livres de rente. Et aussi il y a plusieurs de noz officiers et d'autres qui ont devocion de donner de leurs biens pour convertir en ladicte fondacion, comme nostre chevalier et conseillier le sire de Norry¹⁴ qui de present y donne et offre deux cens frans, maistre Jehan Baudereu¹⁵, nostre conseillier et secretaire, cent frans, Tachon de Glener, nostre bailli de Bourbonnois¹⁶, cinquante frans pour convertir en terre pour ladicte fondacion, nostre conseillier et secretaire Lorin de Pierrepont, dix livres de rente, et messire Jehan Chauveaul, nostre conseillier et secretaire¹⁷, dix livres de rente avecques une maison assise dedans nostre ville de Molins laquelle fu jadiz de feu Jehan Quoquelet et Jehanne Chaselle, a present Jehan Bertine¹⁸, dix livres de rente, et plusieurs autres qui y ont entencion et affection de donner de leurs biens, et que toutes les rentes desdictes vicairies et confrairies comme dit est y seront adjointes et ennexees et autres qui y seront donnees et acquises des deniers dessus diz et autres qui ne sont esmorties jusques a l'enterinement de ladicte fondacion de cinq cens et dix livres, voulons et ordonnons que lesdiz doyen, chapitre et college les puissent porter purement et franchement comme esmorties sans ce que a present ne par le temps a venir ilz en soient tenus de paier finance ne rachapt ne reddevances aucunes a nous ne a noz successeurs, mais par ces noz presentes les esmortissons et ostons de toute puissance laye, retenu a nous et aux nostres justices, souveraineté et ressort d'icelles, et aussi la garde, protection et deffense de ladicte eglise et college sans ce que ladicte eglise dudit college et personnes qui seront establis a demourer en ladicte eglise de present ets eront par le temps a venir ne leurs terres et possessions puissent estre mises hors de nostre main par quelconque cause que ce soit, mais serons nous et noz successeurs dux de Bourbonnois et demourons a tous temps maiz principaulx fondeurs et gardes d'icelle esglise et college, et demourront a tout temps maiz ladicte eglise et collige tant en chief comme en menbres de nostre fondacion et garde, souveraineté et ressort si comme est contenu es bulles de nostredit saint père dessus dictes. Item volons, ordonnons et est nostre entente et devocion que ladicte eglise et collige soient fondee en l'onneur de [fol. 6] nostre Seigneur Jhesu Crist et de sa glorieuse mere, et par especial de la feste de l'Annonciacion Nostre Dame si comme est contenu esdictes bulles, et que le devin service se face en icelle eglise a l'usage de l'eglise cathedral d'Ostun entierement, et que lesdiz doyen, chapitre et collige se gouverneront entierement selon les status et ordonnances d'icelle eglise d'Ostun. Et affin que le devin service se puist un chascun jour mieulx continuer que les personnes y establies pour faire le devin service soient plus ententis et esmeux de le continuer, nous volons que des trante livres qui sont ordonnees par chascune prebende a chascun chanoine et au doyen soixante, que ledit doyen ait vint livres pour gros fruis et un chascun chanoine dix livres pour gros fruis, et le surplus sera pour convertir en distribucions pour distribuer a un chascun de ceulx qui seront es heures par meilleur maniere qu'il se pourra ordonner par les gens dudit collige, appellés en ce deux ou trois gens de nostre conseil, lesquelles chouses dessus declarees et chascune d'icelles nous volons perpetuelment et fermement estre valables et tenues sans enfraindre en aucune maniere, et ad ce fere tenir et garder oblighons nous, noz hoirs et successeurs dux de Bourbonnois, et par especial tous ceulx qui perpetuelment de nous pourroient avoir cause en nostre chastellenie de Molins. Et pour ce que a tous temps mais ce puisse estre valable, nous avons fait mettre et appouser nostre grant seel a ces presentes lettres, le sizesme jour du mois de decembre, l'an de grace mil trois cens quatre vins et six.

Par monseigneur le duc^e.