1386, 13 juillet. — Chevagnes (Hôtel ducal).
Louis, duc de Bourbonnais etc., nomme André de Vaux, écuyer, châtelain et capitaine de Bussy, au comté de Forez, en remplacement de Jean de Montjournal qui détenait jusque-là lesdits offices et qui en est débouté.
A. Original perdu.
B. Copie ainsi intitulée : "Copie de la chastellenie de Buxi par André de Vaulx fecte le XVIIIe jour de juillet l'an IIIIXX et six", dans le registre papier aux nominations du comté de Forez. Paris, Bibliothèque nationale de France, lat. 10034, fol. 107.
Indiqué : Histoire des ducs de Bourbon et des comtes de Forez..., par Jean-Marie de La Mure,..., 1675, II, p. 74 n. – É. Perroy, "Le personnel administratif", p. 174.
Loÿs, duc de Bourbonnois, conte de Clermont et de Forez, per et chambrier de France, a touz ceulx qui ces presentes lettres verront, salut. Savoir faisons que, pour le grant et bon rapport qui nous a esté fait de nostre amé André de Vaux, escuier, confianz a plain du senz, loyaulté et diligence d'icelluy, et aussi pour les bons et agreables services qu'il nous a faiz, fait de jour en jour et esperons qu'il fera ou temps avenir, nous icellui avons fait, ordenné et establi, faisons, ordonnons et establissons nostre chastellain et capitaine de nostre chastel de Buxi1 en nostre conté de Forés, tant comme il nous plaira, aux droix, gaiges, prouffiz et emolumens acoustumez, auquel André nous avons donné et donnons plain povoir et auctorité de gouverner, regir et exercer lesdiz offices avec la juridiction et justice a yceulx apartenans. Si donnons en mandement a nostre bailli de Forez ou a son lieutenant que ledit André, receu de lui premierement et avant toute euvre le serment acoustumé en tel cas, il mecte et institue en possession et saisine d'iceulx offices, oste et deboute Jehan de Montjournaut detenteur d'iceulx offices, lequel pour certaines causes nous ostons et mectons hors par ces presentes. Mandons auxi et commandons a tous noz officiers et subgiz que audit André comme a nostre chastellain et capitaine obeïssent et entendent diligement, et a nostre prevost ou receveur dudit lieu de Buxi que audit André il paie chascun an des gaigez acoustumés, lesquieulx par lui paiez, parmi rapportant ces presentes ou copie d'icelles soubz seel autentique et quictance dudit André de ce que paié lui aurez, nous voulons estre allouez es comptes de nostredit prevost ou receveur par noz amez et feaulx les genz de nostre chambre des comptes en Fourez senz aucun contredit. En tesmoing de ce, nous avons fayt mectre nostre seel a ces presentes. Donné en nostre hostel de Chevaignes2, le XIIIe jour de juillet, l'an de grace mil CCC IIIIXX et six.
Par monseigneur le duc en son conseil, ouquel vous3 et monseigneur de Norry4 estiez.
(Signé :) J. Benoyt.
1. Bussy-Albieux : Loire, ar. Montbrison, c. Boën.
2. Chevagnes : Allier, ar. Moulins, ch.-l. c.
3. À cette date, le chancelier est Jean de Rezès, doyen du chapitre cathédral de Meaux : O. Mattéoni, "Écriture et pouvoir princier", p. 147.
4. Originaire du Nivernais, Pierre de Nourry est l'un des principaux conseillers de Louis II. Il est attesté comme conseiller du début de 1360 à 1410. Il occupe la charge de lieutenant général à plusieurs reprises à partir des années 1370 jusqu'à la fin du principat du duc en 1410 (A. Leguai, De la seigneurie à l'État. Le Bourbonnais pendant la guerre de Cent Ans, p. 283-291 ; O. Mattéoni, "Entre fidélité et compétence. Les conseillers du duc Louis II de Bourbon", p. 180 et 183 et suiv.). Il fait l'objet d'un jugement élogieux dans la Chronique du bon duc Louis de Bourbon par Cabaret d'Orville qui vante ses qualités de gestionnaire et de réformateur des finances ducales (Chronique du bon duc, p. 160-164, 275-280). Il était membre de la Cour amoureuse fondée en 1401 par Louis II et le duc de Bourgogne Philippe le Hardi (C. Bozzolo et H. Loyau, La cour amoureuse dite de Charles VI, I, n°201, p. 139).
Édition : Olivier Mattéoni .
Consulter la bibliographie — Afficher le XML source de l'acte — Afficher la version pdf de l'acte.