1377, avant le 26 août. — Montbrison.
Louis, duc de Bourbonnais etc., nomme Huguenin de Vaux capitaine et châtelain de Cleppé aux gages et émoluments accoutumés.
A. Original perdu.
B. Copie datée du 26 août 1377, dans un des registres papier de la Chambre des comptes de Montbrison. Archives départementales Loire, B 1837, fol. 39.
Loÿs, duc de Bourbonnois, comte de Clermont et de Fourez, per et chamberer de France. Savoyr faysons a tous que nous, confians a pplain du sans et loyauté et diligence de nostre amee Huguenin de Vaus, escuier, ycelluy avons ordené et establi, faysons, ordenons et establissons par ces presentes nostre capitain et chastellain de nostre chastel et mandament de Cleypieu1, au proufis, gages et autres emolumens acoustumés, et a luy avons donné plain poer de fere et exercer lesdiz offices tant come il nous pleyra. Si donons mandament a nostre baillif de Fourez que ledit Huguenin mete en possession et saysine desdiz offices et des gages apartenans audiz offices, le fasse payer un chacun an en la maniere qu'il apartient, en contraignant a ce tous les rebelles par toutes voyes deues et resonables, et mandons a tous nos autres justiciers et subgets de nostredicte conté que oudiz Huguenin en faysans et excerssens cesdiz offices obeÿssent et entendent diligemment. Donné en nostre ville de Montbrison, soubz nostre seel, l'an de grace mil CCC LXXVII.
Par monseigneur le duc a la relacion du conseil.
(Signé :) J. Bremont.
1. Cleppé : Loire, ar. Montbrison, c. Feurs.
Édition : Olivier Mattéoni .
Consulter la bibliographie — Afficher le XML source de l'acte — Afficher la version pdf de l'acte.