1377, 14 juin. — Gannat.
Louis, duc de Bourbonnais etc., en considération des dommages subis par les consuls, bourgeois et habitants de Gannat du fait des guerres et pour les aider à réparer leurs fortifications, leur accorde la faculté de percevoir pendant deux ans un droit de barrage d'un denier par grosse bête, et d'une poitevine par menue bête, amenée à Gannat par gens forains.
A. Original sur parchemin, signé, jadis scellé sur double queue. 290/295 x 170 mm, repli 30 mm. Paris, Archives nationales, P 1376/2, n°2750.
Analyse : Titres de Bourbon, I, n°3363, p. 591.
Loÿs, duc de Bourbonnoys, conte de Clermont et de Forez, per et chamberier de France, a tous ceulx qui ces presentes lettres verront, salut. Savoir faisons que nous, pour consideracion des pertes et dommages que ont souffert noz bien amez les consuls, bourgois et habitans de notre ville de Gannat1 pour le fait des guerres, en regard aussi aus fraiz, missions et despens que faire leur convient pour la fortificacion, reparacion, garde et autres neccessitez de ladicte ville assise en pays de frontiere, a iceulx consuls, bourgois et habitans avons octroyé et octroyons par ces presentes que ilz, par eulx et leurs deputez, puissent cueillir et lever barrage en ladicte ville en la fourme et maniere qui s'ensuit : c'est assavoir de chascune grosse beste comme cheval, jument, beuf, vache qui par gens forains non compriz en la franchise de ladicte ville seroient amenez en icelle ville, un denier, et de chascune beste menue comme mouton, brebiz ou aignel amené en ladicte ville comme dit est, poitevine, pour tourner et convertir icellui barrage en ladicte fortificacion, reparacion, garde et autres neccessitez de ladicte ville et non ailleurs, prouveu que celui ou ceulx qui recevra icellui barrage sera tenuz de rendre compte a noz gens et officiers pour nous quant requiz en sera ; lequel barrage nous, par noz autres lettres, avons autrefoiz octroyé ausdiz consuls, bourgois et habitans pour convertir en la reparacion de l'eglise de ladicte ville. Si donnons en mandement a nostre bailli de Bourbonnois et a tous noz autres justiciers ou a leurs lieuxtenans et a chascun d'eulx si comme a lui appartendra que lesdiz consuls, bourgoiz et habitans facent et sueffrent joïr et user de nostre presente grace, laquelle nous leur avons octroyee jusques a deux ans tant seulement a compter de la date de ces presentes sans les molester ou souffrir estre molestez au contraire. Car ainsi nous plaist il estre fait. Donné a Gannat, soubz notre seel, le XIIIIe jour de juing, l'an de grace mil CCC LXXVII.
(Sur le repli:) Par le conseil, ouquel vous2 estiez.
(Signé :) J. Baudereu.
1. Gannat : Allier, ar. Vichy, ch.-l. c.
2. Le chancelier est Gilles de Nédonchel. Seigneur de Cressonsacq en Beauvaisis (O. Mattéoni, "Écriture et pouvoir princier", p. 147), il a été gouverneur du comté de Clermont-en-Beauvaisis (L. Carolus-Barré, Chronologie des baillis de Clermont-en-Beauvaisis, p. 5). C'est lui qui prend en charge la réalisation du livre des hommages et dénombrements du comté de Clermont en 1373-1376 (Paris, Bibliothèque nationale de France, fr. 20082 ; O. Mattéoni, "Louis II de Bourbon, l'enquête, la réforme", p. 177-178). Au service du roi, il procédera en 1383 à l'inventaire des fiefs du bailliage de Melun (O. Mattéoni, "Les grands et leur noblesse au xve siècle", p. 273-278).
Édition : Olivier Mattéoni .
Consulter la bibliographie — Afficher le XML source de l'acte — Afficher la version pdf de l'acte.