1372, avril. — Saint-Pourçain-sur-Sioule.
Jean, duc de Berry et d'Auvergne, comte de Mâcon, et Louis, duc de Bourbonnais etc., promettent de s'aider et de se servir envers et contre tous, excepté le roi et ses enfants. En outre, le duc de Berry donne au duc Louis de Bourbonnais et à ses hoirs en droite ligne la prévôté de Vichy, avec la maison forte qui fut jadis à Oudin de Vichy, sauf les fiefs, ressort et souveraineté de Saint-Germain-des-Fossés, des châteaux de Châtel-Montagne, Puyagu, Abret et Busset ; il lui donne également les prévôtés de Langy, Puyrogier, Mornay-sur-Allier, Lurcy et Couleuvre, s'y réservant la foi et l'hommage, sa vie durant, et avec la mention que si le duc de Bourbonnais venait à mourir sans héritier direct, ladite donation ferait retour au duc de Berry ou à ses ayant cause.
A. Original sur parchemin, jadis jadis scellé de deux sceaux sur lacs. 360/370 mm x 350 mm, repli 50 mm. Acte ainsi analysé, au verso (écriture du xve siècle) : "Lectres par laquelle monseigneur le duc de Berry entre autres choses a donné a monseigneur le duc de Bourbon le prevostage de Vichy avec ses appartenances soubz les reservations contenues esd. lettres". Paris, Archives nationales, P 1357/2, n°428.
Analyse : Titres de Bourbon, I, n°3216, p. 564-565.
Jehan, filz de roy de France, duc de Berry et d'Auvergne, conte de Masconois, et Loÿs, duc de Bourbonnois, conte de Clermont, per et chamberier de France, a touz ceux qui verront ces presentes lettres, salut. Savoir faisons que pour cause de norrir et garder vray amour, paiz et tranquilité entre nous, nous, duc de Bourbonnois, avons promis et juré a monseigneur le duc de Berry devant dit de le servir et estre aliez avecques lui devant touz et contre touz excepté monseigneur le roy et ses enffanz, et nous, duc de Berry dessus dit, pour la cause dessus dicte et par les autres causes ci dessouz declairees, aiderons et deffendrons nostre cousin le duc de Bourbonnois dessus dit comme nostre homme contre touz excepté monseigneur le roy et ses enffanz, et oultre nous, duc de Berry, pour les titres et causes dessus dictes et pour eschiver contanz, debaz et toutes iniquitez entre nous et nostredit cousin, de nostre certaine science, liberal volunté et bien provehu avons donné et donnons perpetuelment sanz esperance et entencion de revoquer au duc de Bourbonnois nostredit cousin et a ses hoirs descendens de droite ligne tant seulement le prevostaige de Vichi avecques le fié et ressort de la maison fort de Vichi et les droiz et appartenances de ladicte maison qui furent de feu messire Oudin de Vichi, ensemble touz les autres droiz, domaynes, rentes, fiez, rereffiez, justices haultes, moyennes et basses, ressorz, nobleces, souvereynetez et autres droiz quelcunques que nous duc de Berry avons et povons avoir oudit prevostaige de Vichi et es dependences et appartenances d'icellui pour la maniere et selon ce que ledit prevostage a estez gardez, tenuz, possidez et gouvernez par nous et par ceux dont nous avons cause, excepté et retenu a nous duc de Berry les fiez, ressorz, souveraynetez et nobleces de Saint Germain des Foussez1 que tient Miquo, filz de feu messire Chatart de Saint Germein, du chastel de Chasteaul de Montaigne2, du chastel ou fort de Puy Agu, du chastel d'Abret3, du chastel ou fort de Busset4, et des rentes, domaynes, fiez, rereffiez et autres droiz et appartenances des chasteaux fors et lieux dessus diz, lesquielx nous retenons et exceptons a nous et a noz hoirs ; et aussi nous, duc de Berry, en emploient nostredit don, avons donné et donnons perpetuelment audit nostre cousin duc de Bourbonnois perpetuelment et a ses hoirs descendens de droite lignee tant seulement les prevostaiges de Langy, de Puyrougier, de Mournay sur Alier5, de Lurcy6 et de Coulehuvre7 avecques les droiz, domaynes, rentes, justices haultes, moyennes et basses, fiez, rereffiez, ressort, nobleces, souveraynetez et autres chouses et droiz quelcunques que nous avions et povons avoir esdiz prevostages et es appartenances et dependences d'iceux pour la maniere et selon ce que nous et ceux dont nous avons cause les avons tenuz, pourtez et possidez, et avons voulu, consenti et acourdé nous, duc de Berry, et nous, duc de Bourbonnois, que nous, duc de Bourbonnois, et noz enffanz et les descendanz de nous de droite ligne serons homme et trendrons en foy et homaige lesdiz prevostaiges avecques leur appartenances simplement et sanz ressort de mondit seigneur le duc de Berry tant comme il vivra et de sa personne tant seulement, et ladicte foy et homaige lui avons aujourdui faicte et rendue desdictes chouses a laquelle nous, duc de Berry, l'avons receu sauve nostre droit et l'autruy en autres chouses. Et nous, duc de Berry, voulons et consantons que nous alé de vie a trespassement, nostredit cousin, ses enffanz, ne les descendanz de luy de droite ligne, ne soient tenuz de nous plus faire ne a noz enffanz ou successeurs ou qui de nous auront cause foy et homaige desdictes prevostez ne des appartenances d'icelles ne des autres chouses dessus dictes, fors seulement et miement a monseigneur le roy. Et nous, duc de Bourbonnois, voulons et acourdons que, ou cas que nous yrions de vie a trespassement sanz hoirs, descendanz de droite ligne, que les prevostaiges et autres chouses dessus dictes avons donnez par mondit seigneur de Berry revenent et retournent a monseigneur le duc de Berry ou a ceux que de lui auront cause. Lesquelles chouses dessus dictes nous, duc de Berry, et nous, duc de Bourbonnois, promectons en bonne foy tenir fermement et garder inviolablement senz venir encontre, et ad ce obligeons nous, noz hoirs et noz biens presens et a venir. Fait et donné a Saint Porcein8, soubz noz granz seaux, ou tesmoing des chouses dessus dictes, ou mois d'avril, l'an de grace mil trois cenz sexante et douze.
(Sur le repli à gauche :) Par monseigneur le duc en son conseil ouquel monseigneur le comte d'Arminac, vous, le sire de Cousant, messire Vezian de Lonmaigne et Imbaut du Peschin9 estoient presens.
(Signé :) Ja. d'Ableiges.
(Sur le repli à droite :) Par monseigneur le duc, presens monseigneur de Norry10 et messire Hugues de Digoine.
(Signé :) P. Desmer.
1. Saint-Germain-des-Fossés : Allier, ar. et c. Vichy.
2. Châtel-Montagne : Allier, ar. Vichy, c. Le Mayet-de-Montagne.
3. Abrest : Allier, ar. Vichy, c. Cusset-Sud.
4. Busset : Allier, ar. Vichy, c. Cusset-Sud.
5. Mornay-sur-Allier : Cher, ar. Saint-Amand-Montrond, c. Sancoins.
6. Lurcy-Lévis : Allier, ar. Moulins, ch.-l. c.
7. Couleuvre : Allier, ar. Moulins, c. Lurcy-Lévis.
8. Saint-Pourçain-sur-Sioule : Allier, ar. Moulins, ch.-l. c.
9. Imbaut du Peschin, seigneur possessionné en Bourbonnais, a été conseiller du duc Pierre Ier de Bourbon avant de passer au service de son fils. À partir de 1359, il devient chambellan de Jean de France, comte de Poitiers et duc de Berry en 1360. Avec Philibert de l'Espinasse, il gouverne le Berry durant la captivité du duc en Angleterre. Il reste fidèle à ce dernier par la suite (F. Lehoux, Jean de France, duc de Berri, p. 130, 131, 145n, 146, 167n, 175n, 180, 181, 189n, etc.).
10. Pierre de Nourry est l'un des principaux conseillers de Louis II. Il est attesté comme conseiller du début de 1360 à 1410. Il occupe la charge de lieutenant général à plusieurs reprises à partir des années 1370 jusqu'à la fin du principat du duc en 1410 (A. Leguai, De la seigneurie à l'État. Le Bourbonnais pendant la guerre de Cent Ans, p. 283-291 ; O. Mattéoni, "Entre fidélité et compétence. Les conseillers du duc Louis II de Bourbon", p. 180 et 183 et suiv.). Il fait l'objet d'un jugement élogieux dans la Chronique du bon duc Louis de Bourbon par Cabaret d'Orville qui vante ses qualités de gestionnaire et de réformateur des finances ducales (Chronique du bon duc, p. 275-280). Il était membre de la Cour amoureuse (C. Bozzolo et H. Loyau, La cour amoureuse dite de Charles VI, I, n°201, p. 139).
Édition : Olivier Mattéoni .
Consulter la bibliographie — Afficher le XML source de l'acte — Afficher la version pdf de l'acte.