1367 (n. st.), 5 avril. — Bourbon-l'Archambault.
Louis, duc de Bourbonnais, etc., accorde souffrance de deux années au sire de Beaujeu afin qu'il lui rende hommage pour les terres que ledit sire tient de lui.
A. Original sur parchemin, jadis scellé sur simple queue de parchemin aujourd'hui coupée, en cire rouge (d'après Titres de Bourbon). 245 x 85 mm. Paris, Archives nationales, P 1389/3, n°306.
Analyse : Titres de Bourbon, I, n°2997, p. 530-531.
Loÿs, duc de Bourbonnois, conte de Clermont, per et chamberier de France, a tous ceulx qui ces lettres verront, salut. Comme nostre amé et feal cousin le sire de Beaujeu nous ait prié et requis que nous le veuillez mettre en respit de son hommage et de rendre sa nommee des choses qui tient et doit tenir de nous jusques de Pasques prochaines venans en deux ans, ycellui nostre cousin avons mis en respit jusques au terme dessus dit. Sy mandons a nostre bailli de Bourbonnois et a tous nos autres officiers que pour cause de non avoir ledit hommage ne li donnent empeschement aucun ; et se aucune chose avoit esté prins, levé ou arresté du sien pour celle cause, qu'il li soit rendu et mis au delivre. Donné en nostre chastel de Bourbon, le Ve jour d'avril l'an de grace mil CCC LXVI.
Par monseigneur le duc en son conseil, ouquel estoient messires Guillaume de Hames et Bichat de Chauvigny.
(Signé :) L. de Pierrepont.
Édition : Olivier Mattéoni .
Consulter la bibliographie — Afficher le XML source de l'acte — Afficher la version pdf de l'acte.