1416, 23 novembre.

Texte établi d'après A.

Nous Anne Dauphine, duchesse de Bourbonnois, contesse de Fourez^a, dame de Beaujeu et d'Ussel, savoir faisons a tous presens et ad venir que^b nous, considerans de cueur que au pelerinage de ceste vie nul n'est, selon le dire de l'escripture, ne puet estre si ferme et estable qu'il ne chee chacun jour en pechié, dont il est en grant peril de encourir l'indinacion de nostre salveur et souverain juge, nostre seigneur Jhesu Christ, et que a l'apaisement de son yre n'a autre remede que prieres, oroisons, devoccions et biensfais, et, comme pour raison de ce, en nostre testament et darreniere voulunté, nous avons fondé, ordonné et institué en l'eglise et monnester du prieuré conventual de Souvigny, de l'ordre de Clugny, ou diocese de Clermont, ouquel lieu, pour la grant et singuliere affeccion que nous et noz predeccesseurs avons tousjours eu, et y avons elite nostre sepulture, quant Dieu plairra que l'eure de nous adviegne, en la chappelle que feu mon tres redoubté seigneur, monseigneur Loÿs, duc de Bourbonnois, conte de Clermont et de Forez, baron et seigneur de Beaujeu^c, que Dieux vueille pardonner, a ja pieca fondee en ladite eglise, tant pour la grant devocion que nous avons es glorieux corps sains que y reposent, comme pour estre perpetuelment acompaignee et participans a tous les biensfaiz, oroisons et prieres de ladicte eglise, couvent et religieux d'icelle, c'est assavoir une grant messe a note les six jours de la sepmaine a tousjours mais, en perpetuité estre dictes et celebrees par les religieux et couvent dudit lieu, tant en l'onneur, reverance et louange de la sainte Trinité, de la benoite vierge Marie et de tous les sains et saintes de Paradis, comme pour le remede et sauvement des ames dudit feu monseigneur, de nous et de noz parens et amis, predeccesseurs et successeurs, c'est assavoir le lundi de l'office des mors, le mardi de la Trinité, le mercredi de tous les sains et sainctes, le jeudi du saint Esperit, le venredi de la vraie Croix et le samedi de nostre dame, et en oultre aussi deux anniversaires estre diz et celebrés en ladite eglise solempnelment, un chacun an doresenavant, c'est assavoir l'un d'iceulx anniversaires nous estant en vie le venredi avant l'ami caresme, et l'autre le jour que fu l'enterrement de feu^d mondit seigneur ou lendemain, et, apres nostre trespassement, l'un a tel jour que sera nostre sepulture et l'autre demi an apres, pour lesquelx choses faire et acomplir nous avons donné ausdiz religieux, prieur et couvent, pour lesdites messes, cinquante livres tournois, et pour lesdiz deux anniversaires, quinze livres tournois de rante assise, a prandre et avoir chacun an sur nostre terre, chastellenie et revenue de nostre chastel d'Ussel², comme en nostredit testament et darniere voulunté est a plain contenu ; et soit ainsi que nous, desirans tres a cuer icellui nostre testament et derniere voulunté acomplir et enteriner en nostre presente vie, des maintenant nous, de nostre certaine science, comme bien advisee, voulans perseverer a nostre bon propos, ordonnons, fondons et instituons en ladite eglise dudit prieuré de Souvigny^e3, ladite grant messe a note, lesdiz six jours de la sepmaine, et lesdiz deux anniversaires un chacun an a tousjours mais estre dis et celebrés solempnelment, comme en ladite eglise est acostumé de faire en tel cas, c'est assavoir, les prieur et couvent ad ce consentans, par quatre religieux un chacun mois de l'an, dont l'un dira la messe par esdomades et les autres trois chantans et respondans a ladite messe, avec un enffent religieux qui servira ledit prestre aux jours dessus nommez, tantost apres l'eure de prime dicte au cueur de leur eglise, et, avec ce, que le secrestain de ladite eglise qui est a present et sera par le temps ad venir, soit et sera tenus de pourveoir, bailler et admmistier le luminaire desdites messes et anniversaires, c'est assavoir ausdites messes deux cierges de cire, une torche, et aux anniversaires quatre cierges hardans et deux torches a la elevacion de nostre seigneur, et aussi de pourveoir et finer pain, vin, draps, vestemens, calipce et messal, et autres choses neccaisseres au celebrement des messes et anniversaires dessusdis, a la fin desquelles messes nous voulons que commemoracion et absolucion soit fete pour les mors a nostre entencion, et derechief sera tenuz et chargiez ledit secrestain de faire sonner une grosse cloche pour nostredicte messe, et les autres grans cloches pour lesdiz anniversaires, tant aux vigilles et office des mors qui se diront au cuer de ladite eglise le soir devant nosdiz anniversaires, a la fin de matines, come aux messes d'iceulx anniversaires, et pour la charge, fraiz et missions dudit secrestain, nous lui avons donné et octroyé, donnons et octroyons par ces lettres, huit livres de rente assise sur nostredicte terre et recepte d'Ussel, a prandre et avoir pareillement comme le prieur et couvent dessusdiz, et pour nostredicte fondacion et autres choses cy-dessus declairees estre perpetuelment soustenues, continuees et acompliees de point en point, nous voulons et ordonnons que lesdiz religieux, prieur, couvent et secrestain de ladite eglise et prieuré de Souvigny, pour eulx et leurs successeurs ou temps ad venir, aient, portent, tiengnent et possedissent, auxquelx nous, presentement, donnons, baillons et octroyons par ces presentes lettres, la somme de soixante treze livres tournois de rente en value convenable, desquelx nous voulons et ordonnons que ledit prieur et covent en aient cinquante livres pour raisons desdites messes cotidienes, et quinze livres tornois a cause desdiz deux anniversaires, et, en oultre et par-dessus, vint-quatre sols tournoises de rante que nous leur donnons aussi pour les degrever du charroy qui leur sera neccessere a conduire audit lieu de Souvigny les blez que nous leur baillons en l'assiete de ladicte rante, qui sont extimez a ladite somme de vint-quatre sols tornoises, et audit secrestain, pour raison et a cause de sesdites charges, soient et appartiegnent lesdictes huit livres tornois de rante, par ainsi et comme toute de ladite rante assise soixante-quatorze livres et quatre sols tornoises, lesquelx nous avons baillé et assigné, baillons, asseons et delivrons par ces presentes, et voulons qu'ilz les puissent tenir, porter et posseder perpetuelment sur nostredicte terre, chastel et chastellenie d'Ussel ou ressort d'icelle pour ladicte assiette, tant en proprieté comme en possession et saisine, pour les causes dessusdictes, c'est assavoir en tailles d'aoust doublans un an et autrement avecques les mas, tenemens et choses sur quoy sont dehues, et avecques leurs appartenances. et premierement, en la baillie que reçoit le receveur d'Ussel par sa main^f, en laquelle sont les tenemens et choses qui s'en suivent, aux tailles, cens et charges cy-apres escriptes, c'est assavoir : le mas de Vieze, avecques ses appartenances, dont sont tenanciers Guillaume Bouquet, Denys Terrier, Jehan Terrier, Pierre Terrier, Jehan Martinat pour sa femme, Jehan Myant, Garon Myande, Marguerite et Guillaume ses enfans, qui, avecques leurs pensonniers, doyvent sur ledit mas : taille aoust XXX s.^g, taille a Noel V s., taille a Pasques V s., cens a saint Michiel X s., trousses de foin deux, valent VI s. VIII d., seigle^h mesure Vanne VI q., seille Montet q., avene Vanne XXVII q., avene Montet q., cens et pour trousses I sextier, pour ce Montet V q.ⁱ ; item le tenement Bertrand Portejoie, avecques ses appartenances, appellé Lappenderie aux Viaux, dont sont tenanciers ledit Bertrand Portejoie, Pierrot Breschier, Michiel Bertin, et doivent chacun an, c'est assavoir, pour ledit Bertrand : taille aoust XI s., pour le roy II s., pour Picart de la Beaunne II s., et pour la batice XII d., pour ce taille aoust XVI s., taille Noel VII s., taille Pasques VII s.^j, cens saint Michiel XVIII d., segle Vanne^k II q., avene Souvigny III q., avenne Vanne IX q. ; item les hoirs Bertrand Seguin, pour le tenement dudit feu Bertrand et du roy : taille aoust VI s., Noel XII d., Pasques XII d., avene Souvigny q. ; item^l sur Jehan Piquart, filz Pierrot Piquart, pour son costé : taille Noel et Pasques II s., pour la bastice taille a Noel XII d., Pasques XII d., pour ce par an VI s. sur sa maison, avene Moutet q.^m ; item la baillie de Cressanges, en laquelle est prevost Guillaume Chamberlein, et de laquelle sont les mas et tenemens qui s'ensuivent : premierement, le mas de Pere Hault, qui contient trois parties, c'est assavoir : le tenement des Robers, le tenement des Popes, le tenement des Desiverains, duquel tenement des Robers sont tenanciers : premierement, Michiel Bertin, qui en doit : taille aoust VI s. VIII d., les hoirs Bertrand Seguin, aoust II s. VI d., les Piquars, aoust IX s., Guillaume Bouquet, VI s. II d., Pierre Breschier, VI s. II d., pour ce taille aoust XXX s. VI d., Noel VI s., Pasques VI s., des Popes, Micho Bertin, aoust X s. VI d., Pierre Brescthier, III s. VI d., item XVI d., pour ce IIII s. X d., Berthomier Desiner III s., taille aoust XVIII s. et IIII d., Noel VI s., Pasques VI s., des Desiverains, Stevenot Beamier, Pierre Moussin, IX s., pour son hostel XII d., pour la fauresse IIII s., pour ce aoust XIIII s., Berthomier Desinier IIII s., Jehan et Pierre Brueront XII s., pour ce taille aoust XXX s., Noel VI s., Pasques VI s. ; item doivent tous ensemble : charnage VI s., cens X s. VI d., selle Vanne II sextiers, avene Vanne IX sextiers, avene Moutet I sextier ; item le dit Stevenot Beamier, pour la fauresse, avene Moutet II q., item doit ledit Beamier d'autre part selle Moutet q. ; item le mas de Leycoing, dont sont tenanciers Garon Myande et Jehan Myant, son nepveu, qui en doivent : aoust VII s. VI d., Catherine, fille Jehan Lorent, femme Jehan Martinat, III s. IX d., Jehan Guillaumet et Merguerte Guillaumete, femme Jehan Bouquet, III s. IX d., Pierot Guillaumet de Lecoing voyne de Guillaume Gillet, nommee bonne fille Guillaumette de Lecoingⁿ, IIII s. VI d., lesdiz Jehan Guillaumet et Marguerite, femme Bouquet, pour les Guillaumés, IIII s. VI d., Jehan du Boux, Hugonin Gillet, VII s. VI d., pour ce aoust XXXI s. VI d., Noel VI s., Pasques VI s., charnage II s., trousse de foing une, vault III s. IIII d., selle Vanne III q., selle Moutet q., avene Vanne IX q., avene Moutet q. ; item l'osthe Condat, dont sont tenanciers Jehan du Boux de Lecoing, Jehan Guillaumet et leurs par commis, qui doivent : Noel XII d., Pasques XII d. ; item l'osthe de la Vigne, que tiennent Jehan de la Garde et Pierrot Breschier, qui en doivent : taille aoust II s. ; item pour le tenement Perrin Nygon, dont sont tenanciers lesdiz Pierrot Breschier, Pierre de la Garde, qui en donnent, taille aoust VI s., cens II s., seille deux quartes mesure Vanne^o, avene Montet III q., avene Souvigny q. ; item le mas des Vesmains, dont sont tenanciers Jehan Duvautet et ses freres, Jehan du Vernoy, Jehan Pivant le jeune, Colas Pivant, Alain Triboulet, qui doivent^p : taille aoust XXIII s. VI d., Noel VI s., Pasques IIII s., charnage II s. a Noel, cens a saint Michiel VII s. X d., selle Vanne II sextiers, seille Montet III q., avene Vanne XVIII q., avene Montet III q. ; item les heritiers Bertrand Seguin, qui doivent pour Vincent et Guillaume du Pruel, taille aoust X s., cens a saint Michiel II s., avene Moutet I sextier ; item le tenement de la Ferolle, que tient Perin Tixier, et doit : aoust III s. VI d., selle Montet II q., avene Montet III q. ; la baillie des Adcens que souloit tenir Giraud de la Place, et de laquelle est prevost le sire Dreulhe, les mas et tenemens qui s'ensuivent : premierement le tenement de la Peschoire, dont sont tenanciers Jehan Daudat, Berthomier Desinier, qui donnent : taille aoust XXII sols, cens a saint Michiel XII d., seigle Montet II q., avene Montet XIIII q. ; item le mas de Fontubez dont est tenencier Jehan de Fontubez, qui doit : taille aoust X s., cens XX d., seigle Montet IX q., avene Montet IX q. ; item le tenement Chaumevent, dont sont tenanciers Pierres des Chaumes et Guillaume des Chaumes, qui doivent : taille aoust II s., soille Montet q. ; item le tenement Margot au Lierre, dont est tenancier Jehan Duvautet, qui doit : aoust II s. ; item le tenement Petit Vesn, dont est tenancier ledit Jehan Duvautet : taille aoust V s. III d., seille Moutet III q., avene Moutet III q. ; item l'osthe des Charbonniers, dont sont tenanciers Jehan de Fontuber, Simon Morceton, Guillaumet Girant, Jehan des Macherons, Jehan du Pyeul, qui en doivent : taille aoust IIII s. VI d., avene Montet I sextier ; item le mas de la Place dont sont tenanciers Esmonin de la Place, Berthomier de la Place, Jehan, fils Agnes de la Place, Jehan Rissellon, Guillaume de la Forge, Simon Moreton, Pierrot Brueron, Jehan Dagnet, Jehan Dairantet, qui en doivent : taille aoust XIII s., cens a saint Michiel XII d. ; item pour la courserie X s., de laquelle courserie nous recevons le service a nous deu a cause d'icelle, oultre lesdiz X s., et reservons ausdiz tenanciers la liberté et franchise qu'ilz ont acoustumé d'avoir a cause d'icelle courserie, X s. ; item le tenement du Vuoy, dont sont tenanciers Jehan du Vuoy, Jehan de Fontubez, Guillaume de la Peschoire, pour qui Jehan Daudat, Jehan Durartet, qui doivent : taille aoust XXXIII s. VI d., cens a saint Michiel III s., avene Montet V sextier ; item le mas Julian Bastard, dont est tenancier Jehan Pivant l'ainsné, qui doit : taille aoust VI s. III d., cens II s., avene Montet VII sextiers ; item le tenement du lac, dont sont tenanciers Michiel Bertin et Bertrand de la Garde, qui doivent : taille aoust VI s. VI d., cens XII d., seille Montet II q. ; item le tenement Grangier, dont sont tenanciers Jehan de la Garde et Pierre de la Garde, qui doivent : taille aoust IX s. VI d., Noel XII d., Pasques XII d., soille Moutet q. ; item le tenement Parouin Faure, dont sont tenanciers lesdiz Jehan de la Garde et Pierre de la Garde, qui doivent : taille aoust V s., avene Moutet II q. ; item le tenement a la Quarrillone, dont sont tenanciers messires Guillaume Portejoye et Jehan Piquant, qui doivent : taille aoust II s. ; item le mas Granger, dont sont tenanciers Pierrot Breschier, Guillaume Bouquet, Micho Bertin, les hoirs Bertrant Seguin, Jehan Durartet, qui doivent : taille aoust V s. IX d., Noel II s., Pasques II s., selle Montet q. ; item le tenenement Margot l'Argnoloise, dont sont tenanciers Jehan Pivant l'Ainsné, Jehan Pivant le Jeune, Pierre Pyvant^q, Pierrot Breschier, Michiel Bertin, Jehan Duvautet, qui doivent : taille aoust XII s., cens II s., seigle Moutet II q., avene Moutet IX q. ; item les heritiers Bertrand Segin, qui doivent, pour Rougier des Chaumes : taille aoust II s., et pour Agnes Oliere XII d., pour ce : taille aoust III s., avene Moutet q. ; item la terre de la Garenne, dont sont tenanciers Jehan Pivant le Jeune, pour Colas Pivant, Alain Triboulet, qui en doit : taille aoust II s., avene Montet II q., et Jehan Janiere, Alain Baignolet : taille aoust II s., avene Montet II q., taille aoust IIII s., avene Montet I sextier ; item de la baillie de la Brosse, en laquelle est prevost le sire de Dreulhe, les mas, tenemens et choses qui s'ensuivent : et premierement, le mas a la Bergiere, dont sont tenanciers Vincent Belin, Guillaume de Fournoulx, Jehanne, fille André Vigier, Gilbert Gaillard, Jehan Vigier le Jeune : taille aoust^r III s. VI d., Noel XII d., Pasques XII d., avene Montet I sextier ; item le chasaul Sainte Vernoy, dont sont tenanciers Agnes, fille Jehan Vernoy, femme Gilbert Compost, Jehan Montet, qui doivent : taille aoust V s., Noel III s., Pasques III s., cens VI d., seille Montet II sextier, avene Moutet XIII q. ; item le chasal Ami du Boissou, dont sont tenanciers Nicholas Coudat, Pierre des Chenaulx, Jehanne, fille Berthomier des Chenaulx, Guillaume Mayencat : taille aoust III s. IX d., Noel XII d., Pasques XII d., seille Montet V q., avene Moutet V. q. ; item l'ousche a la Foirise dont sont tenanciers la bonne de Lecoing, Martin Myenart, Jehan Myenart, Jehanne du Russel : taille aoust VI s. VI d., Noel XII d., Pasques XII d.^s, seille Montet VI q., avene Montet II sextiers ; item le chasaul de Villeneuve, dont sont tenanciers Michiel des Boides, Alain Decans et Pierre Ayraut, qui doivent : taille aoust VII s., Noel XII d., Pasques XII d., cens X d., seigle Montet I sextier, avene Montet I sextier ; item le chasaul des Goutes, dont sont tenanciers Jehanne, fille Jehan des Goutes, femme Denys de Coux, Marguerite, fille Pierre Cout, femme Michiel des Boides, Alain Decans, Stevenot de Lappenderie, qui doivent : taille aoust VI s., Noel IV s. VI d., Pasques IV s. VI d., cens XVIII d., seille Moutet I sextier, avene Moutet I sextier ; item le chasal de Lorent de Forvolx, dont sont tenanciers Lorent de Fournoulx, Denis de Fournoulx, Jehanne, fille feu Lorent de Fournoulx, femme Pierre Bussier, Guillaume de Fournoulx, Huguet de Fournoulx pour Agnes et Marguerite leurs femmes, qui doivent : taille aoust III s., Noel II s. VI d., Pasques II s. VI d., cens XII d., seigle Moutet III q., avene Montet III q. ; item le mas de Sauzoy, dont sont tenanciers Jehan Sauzoy, Pierre Arnault, Pierre Bechart, Guillaume Compost, Guillaume Bouquet, Jehan Girant, Vincent Bechart, qui doivent : taille aoust XIX s. VI d., Noel III s., Pasques III s., seille Montet II s., avene Montet II s. ; item le tenement Gontier du Boux, dont est tenancier Guillaume, Gontier du Boux^t, qui doit : taille aoust III s. ; item le mas des Goutaux, dont sont tenanciers Vincent Gonnart, Jehan Montet, Jehan du Plaix, Jehan Mayencat, Catherine Berthomat, qui doivent : taille aoust IIII s. VI d., Noel XII d., Pasques XII d., seille Montet II q., avene Montet I sextier ; item le chasaul Bergier, dont sont tenanciers Vincent Gonart, Jehan Tallandier, Jehan Berillon, Jehan du Plaix : taille aoust II s., Noel XII d., Pasques XII d., avene Montet II q., seille Montet III q. ; item le mas a la Reynaude, dont sont tenanciers Jehan Russelat, Jehan, Johane, Phelippes, enffans J. Guillaumet, de la fille Anthoine Bertin, Gybeaul Cordate, Guillaume Mayencat, Martin Mayencat, qui donnent : taille aoust III s., Noel III s., Pasques III s., seigle Montet VI q., avene Montet II sextiers ; item le mas a la Ruaude, dont sont tenanciers Vincent Gonart, Jehan Moutet, Guillaume Barrelle, femme Thomas Raoulx, qui donnent : taille aoust III s. VI d., Noel XII d., Pasques XII d., cens I deniers, seille Montet I sextier, avene Montet I sextier ; item la terre du Pont, dont sont tenanciers Thomas Raoulx, Alain Rassiert d'Alboyners, Phelippes, Johanne, Marguerite, filles Jehan Quenant, Jehan Girant, qui doivent : taille aoust III s. VI d., Noel XII d., Pasques XII d., avene Montet II q. ; item le tenement d'Alboyners, dont sont tenanciers Jehan d'Alboyners, Pierre Raoulx, Vincent Gonnart, Jehan Verilhon, qui donnent : taille aoust III s. VI d., Noel XII d., Pasques XII d., seille Montet II q., avene Moutet q. ; item le chasal aux Ribiers, dont sont tenanciers Jehan, filz feu Thevenin de Mousset, Alain Roussellat, Denys du Bois, Jehan Terrier, Pierre Terrier, qui donnent : taille aoust VII s., Noel III s., Pasques III s., soille Moutet I sextier, avene Moutet I sextier ; item le mas d'Eschaudery, dont sont tenanciers Agnes de Vuielle, femme Jehan Sainte, Alain Rousselat, bonne fille Guillaumette de Lecoing, Gaion Myande^u, Jehanne, fille Guillaume de Lecoing, Hughonet Gillet, qui doivent : taille aoust III s., seigle Moutet II q., avene Moutet II q. ; item le chasaul Bernard Apchont, dont sont tenanciers Pierre Raoulx, Vincent Tallender, Michiel Bertin, Jehan du Plaix, Vincent Tallendier^v, Jehan Mayencat, Guillaume Bouquet, qui doivent : taille aoust VII s., Noel II s., Pasques II s., cent saint Michiel I d., seigle Moutet VI q., avene Moutet X q. ; item le mas aux Touzins, dont sont tenanciers Jehan du Plaix, Vincent Gonart, Jehan Moutet, Gilbert Compost, Jehan Berillon, qui doivent : taille aoust VIII s., Noel II s., Pasques II s., cens I d., seigle Moutet VI q., avene Montet IX q. ; item le chasal Bernard Faure, dont sont tenanciers Jehan Mayenrat, Michiel Berthin, Estienne Barrelle, Alain Morelle, Jehan Berillon, qui doivent : taille aoust IX s., Noel III s., Pasques III s., seigle Montet III sextiers, avene Montet II sextiers ; item le mas aux Giraudes, dont sont tenanciers Vincent Gonart, Jehan Berillon, qui doivent : taille aoust VIII s. VI d., Noel III s., Pasques III s., cens XV d., seigle Montet II q., avene Montet VI q. ; item le mas Josselin, dont sont tenanciers Marguerite, fille de petit Jehan Guillaume, de Lecoing, femme Jehan Bouquet, Jehan Girant Pierre Arnault, Jehan du Boux, de Lecoing, Hugues Gillet, Pierre Guillaumet et ses par commis, qui doivent : taille aoust VII s. VI d., Noel IIII s., Pasques IIII s., cens a Saint Michiel XVIII d., seigle Moutet I sextier, avene Moutet I sextier ; item le mas de Lecoing en ceste baillie, dont sont tenanciers Gaion Myande, Jehan Myant son nepveu, Catherine Miande, femme Jehan Maitinat, Jehan du Boux, de Lecoing, Jehan Guillaumet, Pierron Guillemet, Marguerite Guillemette, femme Jehan Bouquet, Catherine, fille Jehan Lorent, femme Jehan a la Martine : taille aoust XXIIII s. VI d., Noel VI s., Pasques VI s. ; item leur avons baillé et delivré tel droit, accion et possession que par avant ceste baille et delivrance nous avions de prendre, chacun an, sur chacun tenancier faisant feu et lieu dedans lesdis mas : une gelline pour feu et le droit de charroy, qui tennuz nous estoient de faire a cause du taillable tant seulement, retenu a nous et a noz hoirs et successeurs le charoy que tenuz sont de faire a cause de la justice ; lesquelles choses dessus declairees, par nous ainsi baillees et delivrees ausdiz religieux, nous leur avons transportees, cedees et quictees pour nous et noz hoirs et successeurs a tousjours maiz, a icelles tenir et posseder doresenavant par eulx et leurs successeurs, par la forme et maniere que par avant ceste delivrance les tenions et portions, et avecques telles prerogatives et usaiges de taillables, censive et directe seignoirie que nous y appatenoient, retenu a nous et noz hoirs et successeurs la juridicion et justice d'icelle, et promettons en bonne foy et sur l'obligacion de noz biens quelxconques, les chouses dessusdictes et chacune d'icelles tenir et actendre pour nous, noz hoirs et successeurs ayans cause de nous, fermes et estables a tousjours maiz, sans jamaiz venir au contraire, et icelles fere amortir devers nostre tres chier et tres amé filz Jehan, duc de Bourbonnois, faire et procurer que lesdiz prieur et covent, secrestain et religieux, ou leurs successeurs, n'en soient tenuz de paier aucune finance ou rachapt pour raison et a cause de l'assiete dessusdicte, renuncians sur ce a toutes excepcions de fait et de droit que l'en pourroit alleguer a l'encontre. Et afin que ce soit ferme chose et estable a tousjours maiz, nous avons fait mettre nostre seel a ces presentes lectres. Faictes, passees et donnees le XXIII^e jour du moys de novembre, l'an de grace mil quatre cens et seze^w.

Par madame la duchesse, Jocerand de Sainte-Colombe, maistre d'ostel⁴, Jancien Mulatier⁵ et Guillaume Rajace⁶, conseillers madicte dame, presens,