1415, 18 mai. — Cleppé.
Anne Dauphine, duchesse de Bourbonnais etc., mande aux bailli et gens des comptes de Beaujolais d'affermer les châtellenies, prévôtés et chacipoleries de ce pays, pour éteindre les grandes dettes laissées par le sire de Beaujeu.
A. Original sur parchemin, signé. 335 x 170 mm. Paris, Archives nationales, P 1366/1, n°1481.
Analyse : Titres de Bourbon, II, p. 199, n°5002.
Anne Dauphine, duchesse de Bourbonnois, contesse de Fourez et dame de Beaujeu, a noz amez et feaulx bailli et gens de noz comptes en Beaujeuloys, salut. Savoir vous faisons que aujourd'uy, en la presence de nostre tres chier et tres amé filz le duc de Bourbonnois et des gens de nostre conseil, pour le grant desir et affection que avons a satisfer et paier les grans debtes et charges que ont laissez noz tres chiers et bien ames les seigneurs de Beaujeu, que Dieu absoille, et que encores sont dehues a plusieurs creanciers, lesquelz chacun jour font grant poursuite d'avoir paiement, desirans aussi deschargier les ames des nosdiz predecesseurs, considerant aussi que de toute ancienneté les chastellenies, prevostés et chacipolleries de nostredit paÿs de Beaujeuloys, ont esté et acostumé estre mises en ferme et accense, avons appoinctié et aresté que toutes les chastellenies, prevostés et chacipolleries de nostredit paÿs de Beaujeuloys seront mises en fermes et accensés a ceste saint Jehan Baptiste prouchainement venant, c'est assavoir en nostre ville de Villefranche1 et non ailleurs, pourveu que seront baillees a gens honnestes et souffisans pour ycelles fermes [trou] et souffisament regie et excercez, pour connaitre au payement et acquictement des debtes et charges dessusdictes, en adnullant toutes donnacions sur ce faictes et renonçant par ces presentes. Si vous mandons que vous nostre present appoinctement et ordonnance interinés et acomplissez, come dessus est dit, car ainsi nous plaist il estre fait. Donné a Cleppé2, soubz nostre seel, le XVIIIe jour de may, l'an mil IIIIC et quinze.
Par madame la duchesse, messeigneurs les bailliz de Fourez3 et Beaujeuloiz4, juge5, procureur, gens du conseil de Fourez et autres presens.
(Signé :) Alexandre Mareschal.
1. Villefranche-sur-Saône, Rhône, ch.-l. ar.
2. Cleppé : Loire, ar. Montbrison, c. Feurs.
3. À cette date le bailli de Forez est Amé Vert. Membre d'un lignage ancien du Forez, Amé Vert est capitaine-châtelain de Saint-Bonnet en 1402 (É. Perroy, Les familles nobles du Forez au xiiie siècle, II, p. 941). Il est nommé bailli de Forez le 16 juin 1414 (Paris, Bibliothèque nationale de France, lat. 10034, fol. 44V). Il remplace Guichard d'Urfé. Il demeure bailli jusqu'à sa mort, en 1455 (Archives départementales Loire, B 1844, fol. 24). Il cumula sa charge avec celle de capitaine-châtelain de Saint-Bonnet et de Marols (Ibid., fol. 25v).
4. À cette date, le bailli de Beaujolais est Philibert de Coqueure. Nommé après le 28 mai 1409, il demeure en la charge jusqu'avant octobre 1415 (Mémoires pour servir à l'histoire de Dombes..., par Louis Aubret..., II, p. 453 et 473).
5. S'il faut comprendre juge de Forez, il s'agit de Denis Puy. Institué le 16 février 1411 (Archives départementales Loire, B 1944, fol. 13v), il le demeure jusqu'à sa mort qui survient en 1430. Il est remplacé par Jean Pelletier (Abbé F. Renon, Chronique de Notre-Dame d'Espérance de Montbrison, p. 134-135).
Édition : Olivier Mattéoni et Jean-Damien Généro .
Consulter la bibliographie — Afficher le XML source de l'acte — Afficher la version pdf de l'acte.