1415, 7 avril. — Cleppé.
Anne Dauphine, duchesse de Bourbonnais etc., donne au seigneur de Feugerolles, son cousin, les garnisons de Montmerle.
A. Original sur parchemin, signé, jadis scellé (trace d'un sceau plaqué en cire rouge à droite de la signature du secrétaire). 295 x 170 mm. Paris, Archives nationales, P 1365/1, n°1408.
Analyse : Titres de Bourbon, II, p. 198, n°4996.
Anne Dauphine, duchesse de Bourbonnois, contesse de Fourez et dame de Beaujeu, a noz amez et feaulx gens de noz comptes en Beaujeulois, maistre Pierre Seguing, juge de nostredit païs, et Dalmais de la Porte, capitaine et chastellain de Montmerle1, salut. Nous vous mandons que les garnisons estans audit lieu de Montmerle, lesquelles appartenoient a feu nostre tres chier et tres amé cousin messire Edouart, seigneur de Beaujeu, que Dieu absoille, ou temps de son trespas, et lesquelles garnisons nostre tres chier et tres amé filz le duc de Bourbonnois a donné a nostre chier et bien amé cousin le seigneur de Feugerolles, vous baillés et delivrés a nostredit cousin de Feugerolles, ou a son certain messagé, porteur de cestes [lettres], incontinant et sans deslay, et par rapportant ces presentes et quittance d'icelles de nostredit cousin ou sondit message, nous voulons et mandons estre deschargiés desdites garnisons tout ceulx qui chargiés en sont par tout la out il appartiendra. Donné a Cleppé2, soubz nostre seel, le VIIe jour d'avril, l'an mil quatre cens et quinze.
Par madame la duchesse,
(Signé :) Alexandre Mareschala
1. Auj. Montmerle-sur-Saône : Ain, ar. Bourg-en-Bresse, c. Châtillon-sur-Chalaronne.
2. Cleppé : Loire, ar. Montbrison, c. Feurs.
Mention dorsale : "Damas de la Porte, chastellain de Montmerle, nous, gens des comtpes et juge de Beaujeulois, nommé au blant de ceste mandement, ledit mandement avons veu et leu, et en tant que nous touche, en obeyssant a ycellui, vous mandons que ladite garnisson de laquelle est fete mencion, hors et excepté bombaides, canons, arbelestes, trait <et autres choses> qui sont pour la garde du lieu, vous delivrez a Guillaume Soleilhant, escuïer de monseigneur de Feugeroles, en la maniere qu'il vous est mandé, parellement quant a nous. Donné a Villefranche, le XVe jour d'avrilh. / Seguin / Philippe Perautier".
Édition : Olivier Mattéoni et Jean-Damien Généro .
Consulter la bibliographie — Afficher le XML source de l'acte — Afficher la version pdf de l'acte.