1414 (n. st.), 6 avril. — Sury-le-Comtal.
Anne Dauphine, duchesse de Bourbonnais etc., mande aux gens des comptes en Beaujolais d'enregistrer les lettres de la fondation des Célestins de Vichy, et de faire délivrer à ces religieux les termes échus de la rente que leur assignent lesdites lettres1.
A. Original sur parchemin, signé et jadis scellé. 380 x 150-180 mm. Paris, Archives nationales, P 1388/3, n°83bis.
Analyse : Titres de Bourbon, II, p. 195, n°4969.
Anne Dalphine, duchesse de Bourbonnois, contesse de Fourez et dame de Beaujeu, a noz amés et feaulx les gens des comptes en Beaujoloys, salut. Savoir vous faysons nous avoir receu ja pieça les lettres de la fondacion de l'esglise des Celestins de Vichi2, fete et ordonnee par feu mon tres redoubté seigneur, dont Dieux ait l'ame, lesquelles nous avons approvez et confirmé par noz lettres patentes, desquelles vous approva par le vidimus d'icelles ataché a ces presentes. Sy voulons et vous mandons que le payement de cinquante livres tournois dehuez aux diz religieux de deux annees dernierement passees a cause de ladite fondacion, sur noz receveurs de Pereux et de Lay vous assignés, faictes paier et delivrer ausdiz Celestins, ou a leur certain procureur, par iceulx noz receveurs desdiz lieux, dudit temps encorru, et doresenavant chascun an par la forme et maniere que verrés contenu audit vidimus de la fundacion dessusdicte, laquelle nous voulons estre registree en nostre chambre des comptes par-dela, affin de perpetuelle memoyre, et par rapportant lettres de quictance desdiz religieux ou de leur certain procureur, il nous plait et vous ordonnons ce que payé l'en aura esté par nosdiz receveurs et un chascun d'eulx, tant du temps passé comme ad venir, leur estre rabatu de leurs receptes et desduit par vous en leurs comptes, sans aucun contredit, car ainsi nous plait-il estre fait, non obstans quelxconques mandemens, ordenances ou deffences fetes ou a fere ad ce contrayres. Donné en nostre chastel de Sury-le-Contal3, soubz nostre seel, le VIe jour du moys d'avril, l'an de grace mil quatre cens et treze.
Par madame la duchesse,
(Signé :) G. Rajace.
1. Les Titres de Bourbon indiquent par erreur le 4 avril.
2. Les lettres de fondation du couvent des Célestins de Vichy par Louis de Bourbon datent d'avril 1410 (Paris, Archives nationales, P 1373/1, n°2183). Dans les faits, les travaux d'aménagement de l'église et du cloître avaient débuté dès 1403 (A. Mallat, Vichy à travers les siècles. Recherches historiques et bibliographiques, I, p. 91-92 ; M.-É. Gautier, "Un projet d'abandon de la nécropole des Bourbons à Souvigny", p. 397 et 403n.)
3. Sury-le-Comtal : Loire, ar. Montbrison, c. Saint-Just-Saint-Rambert.
Édition : Olivier Mattéoni et Jean-Damien Généro .
Consulter la bibliographie — Afficher le XML source de l'acte — Afficher la version pdf de l'acte.