1412 (n. st.), 12 janvier. — Souvigny.
Anne Dauphine, duchesse de Bourbonnais etc., approuve la fondation des Célestins de Vichy, faite par son mari en 1410.
A. Original sur parchemin, signé. 375 x 185 mm, repli 50 mm. Paris, Archives nationales, P 1373/1, n°2183.
B. Vidimus sur parchemin du 12 avril 1414, signé. 380 x 150-180 mm. Paris, Archives nationales, P 1388/3, n°83.
C. Copie collationnée1 sur papier au XVIIIe siècle. 250 x 385 mm. Paris, Archives nationales, K 188, n°17/4.
Analyse : Titres de Bourbon, II, p. 185, n°4883.
Texte établi d'après A.
Anne Dauphine, duchesse de Bourbonnois, contesse de Forez et dame de Beaujeu, savoir faisons que les lettres de fondacion faicte pour l'eglise des Celestins de Vichi2, faicte et ordonnee par mon tres redoubté seigneur monseigneur Loÿs, duc de Bourbonnois, conte de Clermont et de Fourez, per et chamberier de France, dont Dieux ait l'ame, esquelles lettres de fondacion ces noz presentes sont annexees, nous, de nostre certain propos et asseuree voulenté, louons, approuvons et confermons par ces presentes, et voulons et consentons que ycelles lettres et l'ordonnance en ycelles contenues aient perpetuelle fermetté et valeur de present et pour le temps ad venir, selon la forme et teneur d'icelles, et voulons que lesdittes lettres soient enregistrees en noz Chambres des comptes de Fourez et Beaujeuloys, affin de perpetuelle memoire et de sortir leur plain effet. Si donnons en mandement a noz amez et feaulx gens de noz comptes en Fourez et Beaujeuloys, et a tous noz autres justiciers et officiers presens et ad venir, a qui il appertiendra, et a chascun par foy que lesdictes lettres de feu mondit seigneur acomplissent de point en point selon le contenu d'icelles. En tesmoing de ce, nous avons fait mectre nostre seel a ces presentes. Donné en nostre ville de Souvigny3, le douziesme jour du mois de janvier, l'an de grace mil quatre cens et onze.
(Sur le repli, à gauche :) Par madame la duchesse.
(Signé :) Soissons.
1. Mention finale : "Collationné par nous, conseiller maitre a ce commis. Cassini".
2. Vichy : Allier, ch.-l. ar.
3. Souvigny : Allier, ar. Moulins, ch.-l. c.
Édition : Olivier Mattéoni et Jean-Damien Généro .
Consulter la bibliographie — Afficher le XML source de l'acte — Afficher la version pdf de l'acte.