1411 (n. st.), 27 février. — Montbrison.

Anne Dauphine, duchesse de Bourbonnois, comtesse de Forez et dame de Beaujeu, sçavoir faisons comme mon seigneur et epoux eut ordonné et estably nostre bien amé messire Guichard d'Ulphé¹, chevalier, bailly de Forez, juge des ressorts dudit pays, si comme apparent nous est par les lettres de mondit seigneur, nous confiants a plain du grand sens et loyauté dudit messire Guichard d'Ulphé, et pour les bons et agreables services qu'il a faits a mondit seigneur et a nous, icelluy faisons, ordonnons et establissons nostre bailly de Forez, juge de nos ressorts dudit pays, deschargeants ledit messire Guichard de l'office de capitaine de Roannois qu'il tenoit auparavant etc. A Montbrison, le vingt septieme fevrier, l'an mil quatre cens dix.