1445, 13 novembre.

Nous Agnes, duchesse de Bourbonnois et d'Auvergne, confessons avoir eu et receu de Piere Mandonier, commis par monseigneur le roy a recevoir et faire venir ens ou bas paÿs d'Auvergne la porcion de l'aide de III^C M francs que mondit seigneur a voulu et ordonné avoir esté mis sus en tous ses paÿs de Languedoil pour ceste presente annee commencent le premier jour de janvier derrenier passé, tant pour le paiement et entretenement de ses gens de guerre qu'il a envoïez vivre hors de son royaume, comme pour autres ses affaires, la somme de quatre cens livres tournois que les gens des troys estas dudit bas paÿs ont ordonné et voulu a nous estre baillee et delivree par ledit commis des deniers par eulx mis sus oultre le principal dudit aide, tant pour nous aider a entretenir nostre estat comme pour aucun service par nous faiz audit paÿs, ainsi que par les instructions par eulx faictes sur le fait et octroy dudit aide appert, de laquelle somme de IIII^C l. t. nous nous tenons pour contente et bien païee, et en quittons ledit Mandonier et tous autres qu'il appartient. Donné soubz nostre seel en tesmoing de ce, le XIII^e jour de novembre, l'an mil CCCC XLV.

Par madame la duchesse,