1418, 20 décembre. — Angers (Château).
Yolande, reine de Jérusalem et de Sicile, duchesse d'Anjou, etc., donne à Antoine de la Salle une maison sise à Arles, sous la redevance annuelle d'un chapeau de roses.
A. Original non retrouvé, établi par Jean Porchier, chanoine de Rouen, en l'absence du juge-mage de Provence, et signé par le secrétaire Jean Michel, enregistré (registrata).
B. Copie par Antoine de la Salle, le 16 mars 1419, dans l'acte de donation de sa maison à Jean Romée, non retrouvée.
C. Copie de A dans le registre Leonis de la Chambre des comptes de Provence. Marseille, Archives départementales Bouches-du-Rhône, B 14, folio 239 verso [copie numérisée].
D. Copie de B dans le registre Leonis de la Chambre des comptes de Provence1. Marseille, Archives départementales Bouches-du-Rhône, B 14, folio 241 recto-242 verso (spec. folio 242 recto-242 verso) [copie numérisée].
a. Labande (Léon-Honoré), "Antoine de La Salle. Nouveaux documents sur sa vie et ses relations avec la maison d'Anjou (Appendices)", Bibliothèque de l'École des chartes, 124, 1904, p. 328-339, noii [DOI].
Yolans, Dei gratia regina Jherusalem et Sicilie, ducatus Apulie ducissa Andegavie, comitatuum Provincie, Forcalquerii, Cenomanensis ac de Pedemontis comitissa, baiuia, tutrix, administratrix et gubernatrix illustris precarissimi filii nostri Ludovici, primogeniti tercii, eadem gracia dictorum regnorum regis, ducatuum ducis et comitis comitatuum predictorum, universis presentes litteras inspecturis, salutem.
Attendentes grata et accepta fidelitatis obsequia per dilectum et fidelem nostrum nobilem virum Anthonium de la Sale, scutiferum scutiferie dicti filii nostri, reverende memorie serenissimo domino et coniugi nostro condam regnorum regi, ducatuum duci et comitatuum comiti predictorum, retroactis temporibus devote prestita, queve nobis assidue prestare non desinit, eidem Anthonio pro se et suis heredibus in futurum et ab eo vel ipsis causam habentibus, in huiusmodi suorum serviciorum aliquale rependium, quamdam domum vel ma[n]suram ad nos seu curiam nostram spectantem, sitam in civitate nostra Arelatensi, contiguam ab una parte curie nostre dicte civitatis, ab alia domui cuiusdam nominati Ricanet et abutantem vico publico, sicut se comportat et extendit cum suis pertinenciis et confrontacionibus universis,
de liberalitate nostra mera aca gracia speciali damus, donamus et concedimus per presentes, investientes ipsum de ipsa domo per tradicionem presencium, ita quod huiusmodi domum cum suis pertinenciis predictis, vigore presentis nostre donacionis et concessionis, exolvendo curie nostre predicte pro censu, servicio et omnibus quibuscumque anno quolibet, prima die mensis madii, pileum unumb rosarum, de quo censu et servicio volumus et ordinamus huiusmodi domum erga nos et dictam curiam nostram solum onerari, aliis autem personis census et onera quibuscumquec erga ipsum dicta domus oneraturd, idem Anthonius et imposterum sui heredes seu ab eo et ipsis causam habentes tenere et possidere ac de ea uti, gaudere et disponere tamquam de propria, ipsam vendendo, alienando et pro sue voluntatis libito transferendo, possint et valeant pacifice et sine impedimento.
Quapropter, omnibus et singulis nostris officialibus in dicta nostra civitate Arelatensi et alibi in patria nostra Provincie constitutis, aliisque quibuscumque quorum intererit, dictarum tenore presencium, mandamus quatinus eumdem Anthonium ad dicte domus possessionem admictant et ipsam intrare et adipisci faciant, ipsumque, suos heredes aut ab ipso vel ipsis causam in futurum habituros huiusmodi concessione et donacione uti et gaudere modo et forma predictis permictant sine contradiccione aut impedimento.
In quorum testimonium et ut robur obtineant plenarie firmitatis, presentibus litteris sigillum nostrum duximus apponendum.
Datum in Castro nostro Andegavensi, per circunspectum virum Johannem Porcherii, canonicum Rothomagensem, consiliarium nostrum fidelem dilectum, mandato nostro signantem in absentia maioris iudicis dictorum comitatuum nostrorum Provincie et Forcalquerii, xiia indicione, die xxa mensis decembris, anno Domini millesimo quadringentesimo decimo octavo.
Per reginam, presentibus dominis de Montegaudio et de Beschina, iudice ordinario Andegavensi, nobis et aliis de consilio.
(Signé :) Johannes Michaelis.
1. Édition partielle de D dans a, noiii, p. 330-332.
ac] B; et C.
unum] om. C.
quibuscumque] B; quibus C.
aliis autem personis census et onera quibuscumque erga ipsum dicta domus oneratur] B; salvis autem aliis personis censibus et oneribus quibus erga ipsas dicta domus oneratur a proposuit.
Édition : Jean-Damien Généro .
Consulter la bibliographie — Afficher le XML source de l'acte — Afficher la version pdf de l'acte.