[1454], 9 février. — Aix-en-Provence.
René, roi de Jérusalem et de Sicile, duc d'Anjou, etc., mande aux gens des comptes d'Angers de donner deux cent tuyaux en bois, qu'il avait fait construire pour ses fontaines, aux gens de Louis de Beauveau, sénéchal d'Anjou, qui l'a supplié de les lui accorder en dépit d'un don déjà consenti de quatre cent tuyaux pour une fontaine à Champigné.
A. Original perdu.
B. Copie dans le registre de la Chambre des comptes d'Angers. Paris, Archives nationales, P 1334/5, folio 188.
a. Lecoy de la Marche (Albert), Extraits des comptes et mémoriaux du roi René pour servir à l'histoire des arts au xve siècle, publiés d'après les originaux des Archives nationales, Paris, Picard, 1873, p. 9, no16 [ouvrage numérisé].
De par le roy de Secile, etc.
Noz amez et feaulx, nous avons sceu que, en obeissant a autres noz lettres que nagueres vous avons escriptes, vous avez fait delivrer ivc tuaulx aux gens de nostre seneschal d'Anjou pour le fait de sa fontaine de Champaigné, dont nous sommes bien contens.
Mais, pour ce qu'il a esté advisé par sesdits officiers que lesdits ivc tuaulx ne suffisent a ce que besoing luy est pour le fait de ladite fontaine, il nous a supplié de luy en donner encores aucun autre nombre, ainsi que sera nostre bon plaisir.
Si voulons et vous mandons que par Guillaume Robin, maistre de noz euvres d'Anjou, ou par Guillaume de la Planche ou autres ayans la garde et charge de noz tuaulx de boys que, comme savez, feismes autresfois faire pour le fait des fontaines qu'entendions faire venir en nostre chastel d'Angiers, vous faictes incontinent bailler et delivrer a Thibault de Cosse ou a Guillon, maistre d'ostel de nostredit seneschal, ou autre de par luy, le nombre de iic tuaulx, oultre les autres ivc tuaulx dont autresfois vous avons escript, comme dit est, c'est assavoir de ceulx qu'ilz vouldront choisir et eslire...
Escript en nostre cite d'Aix, le ixe jour de febvrier.
(Signé :) René.
(Signé :) Tourneville.
Édition : Jean-Damien Généro .
Consulter la bibliographie — Afficher le XML source de l'acte — Afficher la version pdf de l'acte.