1389, 15 décembre. — Avignon.
Marie, reine de Jérusalem et de Sicile, duchesse d'Anjou, etc., ayant la garde de son fils Louis, confirme l'attribution par Louis Ierdes biens d'Isabella de Camato, rebelle, à Stefano Schettini Rivense.
A. Original sur parchemin, établi par Jean Le Fèvre, évêque de Chartres et chancelier, signé, jadis scellé sur double queue, avec traces de cire rouge. 240 x 330 mm. Conversano, Archivio diocesano, pergamene dell'Archivio Diocesano, 340.
a. Codice diplomatico Barese, XVII. Le pergamene di Conversano, seguito al Chartalarium Cupersanense del Morea, Domenico Morea et Francesco Muciaccia (eds), Trani, Vecchi e C., 1942, p. 256-257.
Maria, Dei gratia regina Jherusalem et Sicilie, ducatus Apulie, ducissa Andegavie, comitatuum Provincie, Folcalquerii, Cenomanie, Pedimontis ac Ronciati comitissa, baiula, tutrix et administratrix illustrissimi nati nostri carissimi Ludovici, eodem gratia Jherusalem et Sicilie regis, etate minoris, regnorumque, comitatuum et omnium aliarum terarum eiusdem, universis presentes litteras inspecturis, tam presentibus quam futuris.
Confirmationis auctoritas frequenter ius exhibet, plerumque, suffragium cauthele habundancioris indulget, que, dum benevolum animum confirmantis ostendit, ipsum, ex quodam promissi debito, ad observantiam comprobationis astringet1.
Sane, pro parte Stephani Schitini, presbiteri Rubensis, nostri et regii devoti dilecti, fuit maiestati nostre reverenter expositum, quod clare memorie serenissimus princeps, dominus rex Ludovicus, dominus et vir noster, dum viveret, ipsius Stephani fidelia et prompia attendens servicia, eidem Stephano, omnia bona burgensia domne Sabelle de Camato, regie et nostre rebollis maiestati, dedit atque concessit, prout concessis quondam regiis litteris plenius ponitur contineri, sicque fuit eidem majestati nostre, pro parte domini Stephani, humiliter supplicatum, ut donationem, concessionem et gratias huiusmodi, predicto Stephano, de huiusmodi bonis nostri predicti factas, ratificare et confirmare, de speciali gratia, dignaremur.
Nos vero, ipsius Stephani supplicationibus in hac parte benignius annuentes, eidem Stephano, omnes et singulas donationes, concessiones et gratias, super et de predictis bonis burgensaticis, per ipsum quondam dominum regem Ludovicum, dominum et virum nostrum, ut premittitur, factas et concessas, quo littere de se valide demonstrantur, ad abundantiorem tamen cautelam, que prodesse aut non officere consuevit, ex baiulatus auctoritate qua fungimur, de certa nostra scientia et gratia speciali, approbamus, ratificamus, accertamus et, tenore presencium, confirmamus, nostroque confirmacionis munimine penitus roboramus, iusta ipsius quondam domini regii, domini et viri nostri, litterarum et privilegiorum continentiam et tenorem.
Volentes quod presens nostra gratia et confirmatio, eidem Stephano, omni futuro tempore, efficax, valida, firma et fructuosa esse debeat, et nullius diminucionis, contrarietatem vel anfractus dispendii seu impedimenti aliquatenus pertimescat.
In cuius rei testimonium, presentes litteras fieri fecimus, et magno nostro pendenti sigillo, quo utimur, iussimus communiri.
Datum Avinioni, per reverendum in Christo patrem et dominum Johannem, Dei gratia episcopum Camotensem, cancellarium nostrum, nostrumque et regium collateralem, consiliarium, fidelem et devotum dilectum, anno Domini millesimo trecentesimo octuagesimo nono, indictionis xiii, die quintadecima mensis Decembris, regnorum vero dicti regis nostri anno quinto.
(Sur le repli, à gauche :) Per reginam.
(Signé :) Requinus.
1. Ce préambule est également utilisé dans les actes de Marie de Blois du 28 juin 1386 et du 7 mars 1394.
Édition : Jean-Damien Généro .
Consulter la bibliographie — Afficher le XML source de l'acte — Afficher la version pdf de l'acte.