[1428], 7 juin. — Cosenza.
Louis III, roi de Sicille, duc d'Anjou, etc., écrit à l'évêque de Fréjus et aux gens de son conseil une lettre semblable à celle écrite le même jour à son frère Charles, son lieutenant général en Provence, sur l'amortissement de sa dette de trois mille florins envers le gennois Jacob dels Flisco.
A. Original non retrouvé.
B. Copie dans le registre Crucis sive novi de la Chambre des comptes de Provence. Marseille, Archives départementales des Bouches-du-Rhône, B10, f. 269v-270r [copie numérisée].
A reverend pere en Dieu noz tres chiers et feals l'evesque dre Frejus et autres gens de nostre conseil estans en Provence.
Le roy de Sicille, duc d'Anjou, conte de Provence, du Maine et Pimont, etc.
Revered pere en Dieu, tres chier et fealx, japieca quant l'armee de nostre païs de Provence ensemble avecques celle de Jennes vindrent derrieramant par dessa, Jacobo de Flisto et autres ses compaignons armeret a la petition et requeste de nostre court deux galers, esquelles firent grans despenses, por lesquelles avons fait avecques eulx une composition de la somme de IIIM florins de la monoie de nostre païs de Provence en la maniere qui s'en suit : c'est assavoir que per nous leur sera baillée une des villes qui tenoit la dame de Baux ou Boucicaut dont la revenue mont par an VC florins, et per ainsi en l'espace de III ans, que avons ordonné qu'ilz lo doient tenir au cour solution de MVC florins, et pour les autres MVC florins, voulons qu'ils ait la gabelle d'Ieres en la maniere que la tient André de Passi, siné lo temps dudit André, jusques a ce qu'ilz soient entierement de mil VC florinsa contentés. Et pour ce que ledit Jacobo et ses compaignons son gens de bien et de auctorité et que ont voulonté d'eulx retraire en nostre païs de Provence, et que d'eulx poirons avoir de bons services, nous voulons et vous mandons que en la maniere dessudite de la some de IIIM florins les pucier contenter et que nostre assignation sortisse son effect come est nostre entention et selon la forme de noz lettres patente a eulx octroïees.
Reverend pere en Dieu, noz tres chiers et feauls, nostre seigneur soit guarde de vous.
Escrips en nostre ciuté de Cusence, le VII jour de juing.
(Signé :) Loys.
(Signé :) De Castillione1.
1. Suit une lettre du lieutenant général en Provence aux gens du conseil à Aix, indiquant qu'il approuve leur proposition d'assigner une partie de la somme sur "le lieu d'Albaigne" (7 janvier 1429 n. st.).
De mil VC florins ajouté en marge.
Édition : Jean-Damien Généro .
Consulter la bibliographie — Afficher le XML source de l'acte — Afficher la version pdf de l'acte.