1393, 13 juin. — Naples.
Louis II, roi de Jérusalem et de Sicile, duc d'Anjou, etc., sur le témoignage d'Ugone de San Severino, comte de Potenza, logotaire et protonotaire du royaume, concède à l'église Saint-Nicolas de Bari, en la personne de l'abbé Giovanni de Arena, vicaire et représentant du prieur de ladite église, la commission annuelle de 100 onces en carlins d'argent à percevoir sur les collectes de Rutigliano pour 52 onces, Grumo pour 6 onces, San Nicandro pour 4 onces, Monopoli et Bitonto pour 38 onces, en vertu de la concession faite par ses prédécesseurs, en particulier par le Pape : Rutigliano pour 52 onces, Grumo pour 6 onces, San Nicandro pour 4 onces, Monopoli et Bitonto pour 38 onces, conformément à la concession susmentionnée faite par ses prédécesseurs, en particulier par Louis Ier, pour célébrer les messes et soutenir les clercs.
A. Original sur parchemin, établi par Ugo di Sanseverino, comte de Potenza, logothète et protonotaire de Sicile, endommagé (trou dans la partie centrale), signé, jadis scellé sur lacs de soie rouge et jaune, qui subsistent toujours, avec mention d'une cédule royale (h.c.r., habetur cedula regia) et exemption de droits de chancellerie (nichil quia exempti). 350 x 450 mm. Bari, Archivio della Basilica pontificia di San Nicola, pergamene della Basilica, R_24.
a. Le pergamene di S. Nicola di Bari (1280-1414), Jole Mazzoleni (ed.), Bari, Società di Storia Patria per la Puglia, 1977, p. 146-148 [ouvrage numérisé].
Ludovicus secundus, Dei gratia rex Jerusalem et Sicilie, ducatus Apulie, dux Andegavie, comitatuum Provincie et Forcalquerii, Cenomanie, Pedimontis ac Ronciaci comes, universis presentes licteras inspecturis, tam presentibus quam futuris,
si fidelibus et devotis oratoribus nostris, pro meritis, respondemus, curare debemus, affectu dominico, ut gratie concesse illis, ab aliis validentur oportune, cautele suifragio, quod persistant firmis radicibus et alicuius diminucionis incomodum non incurrant.
Sane actendentes quod quicquid ecclesiis, ecclesiasticisve personis, elargitur in terris, reperitur in celis, ac volentes, quin etiam sequi vestigia serenissimorum et illustrium precessorum nostrorum, regum Sicilie, et signanter recolende memorie, domini Ludovici primi, reverendissimi genitoris nostri, qui habens singularem devocionem erga beatissimum confessorem sanctum Nicolaum de Baro, considerans iura et bona ipsius ecclesie concessa ei per dictos illustres precessores suos, pariterque nostros, fore collapsa, nec possent substentari clerici, inibi divina excercentes officia, concessit eidem regie ecclesie beati Nicolai, perpetuo, annuas uncias centum de carlenis argenti ponderis generalis, super generalibus subvencionibus et collectis provincie terre Bari, annis singulis, imponendis, pro vita et substentacione clericorum, in eadem ecclesia divina officia celebrancium,
et quod ipsi clerici teneantur, inibi perpetuo, semel in edomada, celebrare sollenniter, ob reverenciam et honorem dicti sancti Nicolai, divina officia, modo subscripto, videlicet die mercurri, de sero, de sancto Nicolao, matutinas et missas de eodem et omnes horas,
quibus quidem vesperis, matutinis, misse et horis, omnes clerici eiusdem ecclesie intersint et dicant oraciones tres, quarum prima sit de beato Nicolao, secunda de Spiritu Sancto, et tercia, pro salute regis, uxoris et filiorum suorumque nostrorum,
De qua quidem concessione, per relacionem factam nobis, oretenus, per virum magnificum Hugonem de Sancto Severino, militem, comitem Potencie, logothetam, prothonotarium dicti regni nostri Sicilie, collateralem, consiliarium et fidelem nostrum dilectum, nobis et nostre curie, plene constat, et noviter, pro parte venerabilis, prioris, capituli et canonicorum, ac clericorum dicte ecclesie, fuit maiestati nostre humiliter supplicatum, ut provisionem ipsam, eisdem ecclesie et clericis, inibi Deo famulantibus et orantibus, confirmare et eis de novo concedere, super generalibus subvencionibus et collectis, annis singulis, imponendis, in castro Rutiliani, uncias quinquaginta duas, Grumi, uncias sex, Sancti Nicandri, uncias quatuor, Monopoli et Botonti, uncias triginta octo, pro equali porcione, gratiosius dignaremur.
Nos vero, ob reverenciam dicti sancti Nicolai et alius dicti genitoris nostri, et dominorum precessorum nostrorum actus laudabiles, in his et aliis letis affectibus, inmitantes, de certa nostra scientia et speciali gratia, cum nostri consilii deliberacione matura, supplicationibus ipsis benignius inclinati, provisionem huiusmodi dictarum annuarum unciarum centum carlenorum argenti ponderis generalis, concessam eidem Ecclesie per eumdem dominum genitorem nostrum, prout per prefatum virum magnificum Hugonem de Sanctoa Severino, comitem Potencie, logothetam et prothonotarium dicti regni nostri Sicilie, facta est maiestati nostre plena fides, harum serie, confirmamus, acceptamus, et de novo eidem ecclesie Sancti Nicolai, de dicta certa nostra scientia, et deliberatione qua supra, concedimus, gratiose, super dictis collectis Rutiliani, Grumi, Sancti Nicandri, Monopoli et Botonti, percipiendarum per dictos priorem, capitulum, canonicos et clericos dicte ecclesie Sancti Nicolai, vel alios, seu alium, eorum nomine, ac distribuendarum per eos, modo et forma, prout alia bona et iura concessa, dicte ecclesie per recolende memorie dominum regem Carolum secundum, solita fuerunt, distribui et exhiberi,
volentes et decernentes expresse, quod huiusmodi nostra confirmacio et de novo concessio et donacio, eidem ecclesie Sancti Nicolai, perpetuo, efficaciter, stabiles et incommutabiliter sint reales,
investientes, proinde, abbatem Johannem de Arena, vicarium dicte ecclesie Sancti Nicolai, nomine et pro parte dicti prioris eiusdem regalis nostre ecclesie Sancti Nicolai predicti, de presenti nostra confirmacione et de novo dacione et gracia, per anulum nostrum, modo premisso, presentialiter, ut est moris,
quam investituram, vim et efficaciam vere traddicionis et realis confirmacionis, dicte annue provisionis unciarum centum carlenorum argenti, volumus et decernimus obtinere.
In cuius rei testimonium, presentes licteras exinde fieri, et pendenti maiestatis nostre sigillo iussimus communiri.
Datum Neapoli, per virum magnificum Hugonem de Sancto Severino, militem, comitem Potencie, logothetam et prothonotarium predicti regni nostri Sicilie, collateralem, consiliarium et familiarem nostrum dilectum, anno Domini millesimo trecentesimo nonagesimo tercio, die terciodecimo mensis Iunii, prime indictionis, regnorum nostrorum, anno nono.
(Signé :) Laurencius Imperatus.
Sancto] lacuna.
Édition : Jean-Damien Généro .
Consulter la bibliographie — Afficher le XML source de l'acte — Afficher la version pdf de l'acte.