1384, 11 août. — Bari (Château).
Louis, roi de Jérusalem et de Sicile, duc des Pouilles, prince de Capoue, duc d'Anjou, etc., confie le gouvernement de l'église Saint-Nicolas de Ceglie [Messapica], devenue vacante, au prieur, au trésorier et au chapitre de l'église Saint-Nicolas de Bari, en attendant l'approbation du siège apostolique ou jusqu'à ce qu'intervienne un autre ordre de celui-ci, et leur donne en outre mandat de disposer en premier lieu des biens, produits et accessoires de cette église.
A. Original sur parchemin, établi par Petrus de Tolentino, docteur en lois et lieutenant de Nicolaus Spinellus, chancelier du royaume de Sicile, et signé par le secrétaire Antonius de Tarente, jadis scellé sur double queue, endommagé (un trou sur la partie gauche), enregistré à la chancellerie (registrata in cancelleria sur le repli). 330 x 464 mm. Bari, Archivio della Basilica pontificia di San Nicola, pergamene della Basilica, Q_25.
a. Le pergamene di S. Nicola di Bari (1280-1414), Jole Mazzoleni (ed.), Bari, Società di Storia Patria per la Puglia, 1977, p. 40-42.
Ludovicus, Dei gratia rex Jerusalem et Sicilie, ducatus Apulie et principatus Capue, dux Andegavie et Turonie, comitatuum Provincie, Forcalquerii, Cenomanie et Pedimontis comes, venerabilibus viris priori, thesaurario et capitulo nostre regalis ecclesie Sancti Nicolai de Baro, fidelibus et devotis oratoribus nostris dilectis, gratiam et bonam voluntatem.
Inter cetera que nostre mansuetudinis cura cotidiana et diligenti meditatione revolvit, occurat nostre cogitationi potissime, ut venerandum dominicum servicium ubilibet augeatur, ex profecto regnantium accrescit felicitas, et nostrorum status subditorum servatur pacificus, si regi regum grato devocionis obsequio placeamus.
Nos enim, princeps divini servicii fervidus, ampla ire ardenti desiderio affec[...] ut in beneficiis, nostri predicti hereditarii regni Sicilie, illi, per que reges regnum, per personas idoneas in unitate fidei orthodoxe permanentes, debite obsequatur, et quarum continua devocio, fides pura et inviolabilis constancia, innumeraque laudabilia merita, in nostre excellencie oculis commendabiles representant, sane, nuper ad audienciam nostram, fidedignorum relacione deducto, quod ecclesia Sancti Nicolai de Celiis vacet ultimi et immediati abbatis ipsius,
nos [...], volentes ad hoc, quod ipsa ecclesia, divinis obsequiis non fraudetur, ac bona et iura ipsius nullatenus dissipentur, salubriter providere, vobis, qui de probitate et [...] virtutum meritis [.....] charuistis, tenentesque indulte, per vos ipsam ecclesiam laudabiliter gubernari, ac bona et iura ipsius prudenter et salubriter augmentari, conservari, dispensari, predictam ecclesiam Sancti Nicolai de Celiis, cum omnibus et singulis bonis, granchis, ornamentis, terris cultis et incultis, olivetis, vineis, domibus, redditibus, censibus, proventibus et obvencionibus, ac iuribus quibuscumque, ipsorumque curam, regimen et administrationem, usque ad apostolice sedis beneplacitum, et donec, per ipsam sedem apostolicam, fuerit de ipsa aliter ordinatum, de certa nostra scientia et plenitudine potestatis, committimus, et tenore presencium mandamus, ita quod fructus, redditus et proventus, ac bona omnia et singula predicta, recipere valeat, ipsis disponere, sicut idem condam ultimus abbas de fructibus dicte ecclesie, disponere poterat et debebat, dum tamen ipsius ecclesie monachis vitam debitam, et in ipsa ecclesia divina ministr[are] [et mini]strari faciatis et debeatis, requirentes in domino et ortantes ipsius ecclesie [monachos atque fratres], ac mandantes nichilominus universis et singulis principibus, ducibus, comitibus, baronibus, iusticiariis, capitaneis, camerariis, baiulis, vicariis, iudicibus, officialibus quibuscumque, presentibus et futuris, et presentibus tamen aliis quibuscumque orthodoxe fidei et catholice ecclesie cultoribus fidelibus et devotis ac subditis nostri, quorum interest, et in quorum posse territorio seu iurisdictione, bona et iura [dicte ecclesie], sita sunt, quatenus vobis, vel procuratori vestro legitimo, pro vobis de bonis, granchis, ornamentis, terris cultis et incultis, olivetis, vineis, domibus, redditibus, censibus, proventibus et obventionibus, ac iuribus quibuscumque ipsius ecclesie, respondeant et faciant per alios integre responderi, super quibus petendis, exhibendis, percipiendis, habendis et dispensandis, ut premictitur, vobis plenum et liberum, tenore presencium [...]limus facultatem, ammoto abinde eciam manu militari, si opus fuerit, quolibet illicito detentore ipsius ecclesie ac bonorum et iurium predictorum.
Mandantes nichilominus, tenore presentium, principibus, comitibus et baronibus, iusticiariis, capitaneis, vicariis, camerariis, baiulis, iudicibus, locatenentibus et officialibus quibuscumque, presentibus et futuris, ac universitatibus et universis et singulis fidelibus devotis nostris, in quorum territoriis dicta ecclesia ac bona et iura ipsius con[sistent], ut premictitur, quatenus, in premissis et circa premissa, iuxta ipsorum licterarum nostrarum continenciam et tenorem, vos vestros [procuratorea] et nuncios manuteneant et defendant, habent gratiam nostram caram, cum a vobis debitum et iuris cautum, ad sancta Dei evangelia in nostris manibus prestitum receperimus iuramentum.
In quorum certitudinem, ipsorum prioris, thesaurarii et canonicorum predictorum, ac aliorum [quibus] interest seu interesse poterit cautelam, presentes nostras licteras exinde fieri, et magno pendenti nostro sigillo, iussimus communiri.
Datum in castro nostro civitatis Bari, per egregium virum, Petrum de Tholenteno, legum doctorem, locumtenentem viri magnifici Nicolai Spinelli, militis, cancellarii regni nostri Sicilie, consiliarium et fidelem nostrum dilectum, anno Domini millesimo trecentesimo octuagesimo quarto, die undecimo mensis augusti, septime indicionis, regnorum vero nostrorum anno primo.
(Signé :) Antonius de Tarento.
Édition : Jean-Damien Généro .
Consulter la bibliographie — Afficher le XML source de l'acte — Afficher la version pdf de l'acte.