1384, 5 juin. — Conversano.
Louis, roi de Jérusalem et de Sicile, duc des Pouilles, prince de Capoue, duc d'Anjou, etc., accorde à l'abbesse de Conversano 30 onces annuelles (de 60 carlins par once) sur les droits de la gabelle de Monopoli, non encore concédés, en raison de la pauvreté du monastère.
A. Original sur parchemin, établi par Petrus de Tolentino, docteur en lois et lieutenant du chancelier de Sicile, signé par Oliverius, jadis scellé sur double queue, enregistré en chancellerie (registrata in cancelleria sur le repli), endommagé sur sa marge gauche. 250 x 385 mm. Conversano, Archivio diocesano, pergamene dell'Archivio Diocesano, 338.
a. Codice diplomatico Barese, XVII. Le pergamene di Conversano, seguito al Chartalarium Cupersanense del Morea, Domenico Morea et Francesco Muciaccia (eds), Trani, Vecchi e C., 1942, p. 478-479.
Ludovicus, Dei gracia rex Jherusalem et Sicilie, ducatus Apulie et principatus Capue, dux Andegavie et Turonie, comitatuum Provincie et Forcalquerii, Cenomanie et Pedemontis comes, universis presentes nostras litteras inspecturis, tam presentibus quam futuris,
vera devocio provocat, certa ratio subgerit, et instinctus naturalis inducit, ut regalis principis clementia erga monasteria, et pia loca, et religiosas; personas, ac miserabiles maxime quo sub commisso sibi regimine famulantur benigne se dirigat, et eisdem personis religiosis in eorum necessibatibus subveniat;
ad hoc, ut circa divina vacare libentus sint attenti, quo per eandem principis elementiam senserint se adiutos, huius itaque considerationis instinctu a divina gratia cognoscentes simpliciter omnia que habemus, necnon paupertati venerabilium religiosarum abbatisse et monalium monasterii sancta Benedicti civitatis Cupersani, devotarum nostrarum dilectarum pio compatientes affectu etiam attendentes,
qua propter fidelitatem quam isto turbato tempore erga nostram maiestatem dicte religiose illibate servaverunt, earum monasterium, suis iuribus et redditibus extitit quamplurimum diminutum, itaque religiose ipse vix habentes unde eisdem victus necessaria ministrare eisdem abbatisse et monialibus dicti monasterii sancta Benedicti, presentibus et futuris, ut valeant Deum et beatam Virginem, pro nobis ac heredibus et successoribus nostris, devotius exorare annuas uncias triginta de carlenis, sexaginta carlenis pro qualibet uncia computatis, in et super iuribus cabelle vanicationis civitatis Monopolis, de certa nostra scientia, mera liberalitate et gratia speciali damus, donamus et concedimus in perpetuum, percipiendas quidem quolibet anno dictas triginta uncias per easdem religiosas, vel earum procuratorem, seu certum mandatum de et super iuribus predictis a die quo dicta civitas ad nostram obedientiam reducta fuerit in antea, absque eo quod nobis, seu curie nostre, ac heredum et succossorum nostrorum servitium, seu aliquam redibentiam prestare seu facere, at prestari vel facere fieri propter hoc teneantur, investientes easdem abbatissam et moniales de presenti nostri gratia et concessione per nostrum anulum presentialiter ut est moris, quam investituram vim vere ac realis habitationis, possessionis dicte annue provisionis decernimus et volumus obtinere constitutionibus et edictis dicti regni nostri, et ordinationibus, et mandatis factis vel imposterum faciendis ad hoc contrarii non obstantibus quibuscumque.
In cuius rei fidem et testimonium, presentes nostras literas fieri nostroque magno pendenti sigillo, quo ante intitulationem nostram utebamur, iussimus communiri.
Datum in felici exercitu nostro apud Cupersanum, per virum egregium Petrum de Tholenteno, legum doctorem, locumtenentem viri magnifici cancellarii regni nostri Sicilie, consiliarium et fidelem nostrum dilectum, die quinto mensis iunii, septime indictionis, anno Domini millesimo trecentesimo octuagesimo quarto, regnorum vero nostrorum anno primo.
(Signé :) Oliverius.
Édition : Jean-Damien Généro .
Consulter la bibliographie — Afficher le XML source de l'acte — Afficher la version pdf de l'acte.